သူဆင်းရဲမအား ဤအသပြာငါးရာကို အသင်-ကောင်းစွာ သိမ်းဆည်းထားပါ။ ငါတို့
၇-ယောက် စုံစုံညီညီ လာရောက်တောင်းမှ ပေးပါ။ ၇-ယောက်မပြည့်ဘဲ လာတောင်းလျှင်
မပေးပါနဲ့-ဟူ၍ မှာကြားထားသည်။
ထို့နောက် ပုဏ္ဏား ၇-ယောက်
အတူထွက်ခွာသွားကြသည်။ သူဆင်းရဲမ၏ အိမ်နှင့် မနီးမဝေး လှမ်း၍
ခေါ်သံကြားလောက်သော အရပ်ရှိ ချောင်းတခုတွင် ပုဏ္ဏားတို့ ဘာသာဘာဝ
ဦးခေါင်းဆေးမင်္ဂလာပြုရန် ပြင်ဆင်ကြသည်။
တရော်ကင်ပွန်း မပါသဖြင့် အတူပါလာသော ပုဏ္ဏားငယ်တယောက်အား သူဆင်းရဲမထံ သွား၍ တရော်ကင်ပွန်း တောင်းရန် စေလိုက်သည်။
ပုဏ္ဏားငယ်သည် ရိုးဖြောင့်သူ မဟုတ်။ သူဆင်းရဲမထံ ရောက်သောအခါ တရော်ကင်ပွန်းကိုသာမက အသပြာ ငါးရာကိုပါ တောင်းလေသည်။
သူဆင်းရဲမကလည်း ၇-ယောက်မပြည့်သဖြင့် မပေးပေ။ ပုဏ္ဏားငယ်က ကျွန်ုပ်ကို
မယုံသော် ကျန်ပုဏ္ဏားကြီး တို့အား အော်ဟစ်၍မေးလော့-ဟု ပရိယာယ်ဖြင့်ဆိုသည်။
သူဆင်းရဲမကလည်း အရှင်ပုဏ္ဏားကြီးတို့ အပ်ခဲ့သော ဥစ္စာကို
ပေးလိုက်ရမည်လော-ဟုအော်ဟစ်၍ မေးသည်။ ပုဏ္ဏား ၆-ယောက်တို့ကလည်း
တရော်ကင်ပွန်းကို မေးသည်ထင်၍ ပေးလိုက်ပါ-ဟု အော်ဟစ်၍ ဆိုကြသည်။
သူဆင်းရဲမလည်း အသပြာငါးရာကို ပေးလိုက် လေသည်။
ပုဏ္ဏားငယ်သည်
အသပြာငါးရာကို တနေရာ၌ ၀ှက်ထားသည်။ တရော်ကင်ပွန်းကိုသာ ပုဏ္ဏားကြီးတို့ကို
ပေးသည်။ အားလုံးခေါင်းဆေးမင်္ဂလာပြုပြီးကြသော် ခရီးဆက်၍ သွားကြသည်။
ညရောက်သောအခါ ပုဏ္ဏားငယ်သည် ၀ှက်ထားခဲ့သော အသပြာငါးရာကို ယူ၍
ထွက်ပြေးသွားလေသည်။
နံနက်သို့ရောက်သောအခါတွင်မှ ပုဏ္ဏားကြီးတို့သည်
ပုဏ္ဏားငယ်၏အကြံကို သိရှိကြလေသည်။ ပုဏ္ဏားကြီးတို့သည် သူဆင်းရဲမထံသွား၍
ငါတို့ ၇-ယောက် အစုံအညီ လာရောက်တောင်းမှ အသပြာကိုပေးပါဟု ဆိုခဲ့သည်။ ယခု
ပုဏ္ဏားငယ်တယောက်တည်းကို ဘာကြောင့်ပေးရသနည်း-ဟု ပြစ်တင်ပြောဆိုသည်။
သူဆင်းရဲမက ကျွန်မ အော်ဟစ်၍ မေးပါသေးသည်။ အရှင်ပုဏ္ဏားကြီးတို့အားလုံးက
ပေးလိုက်ပါဆို၍ ပေးလိုက်ရသည်။ ကျွန်မ၌ တာဝန်မရှိပါ-ဟူ၍ ပြန်ပြောသည်။
ပုဏ္ဏားကြီးတို့ မကျေနပ်ကြသဖြင့် ဘုရင်ထံသွား၍ တိုင်ကြားကြသည်။ ဘုရင်လည်း
သူဆင်းရဲမကို ခေါ်ယူစစ်ဆေးသည်။ ဘုရင်က သူဆင်းရဲမမှာ အပြစ်ရှိသည်ဆိုကာ
အသပြာငါးရာကို ပေးလျော်စေသည်။
သူဆင်းရဲမက-ကျွန်တော်မျိုးမမှာ
ဆင်းရဲသူ မုဆိုးမ ဖြစ်ပါသည်။ လူမမည် သမီးကလေးတယောက်ကိုသာ အဖော်ပြု၍
နေရပါသည်။ အလျော်ပေးရန် ငွေမရှိပါ-ဟူ၍ လျှောက်ထားသည်။ ဤတွင် ဘုရင်က-ဥစ္စာကို
မပေးနိုင်လျှင် သင်ကိုယ်တိုင် ပုဏ္ဏားကြီးတို့ထံတွင် တလှည့်စီ
ကျွန်ခံစေ-ဟူ၍ စီရင်လိုက်လေသည်။
ဤစီရင်ချက်အတိုင်း သူဆင်းရဲမသည်
ပုဏ္ဏားကြီး ၆-ယောက်ထံတွင် လ၀က်စီ အလှည့်ကျ ကျွန်ခံရရှာသည်။ ထိုစဉ် လူမမည်
သမီးကလေးသည် ကြီးပြင်းလာသည်။ သမီးကလေးသည် ထူးခြားလိမ္မာသည်။ သူသည်
စာပေကျမ်းဂန်များကို သင်ယူသည်။ လေ့လာဖတ်ရှုမှတ်သားသည်။ လူကြီးသူမတို့၏
အဆုံးအမကိုလည်း ကောင်းစွာ နာယူမှတ်သားသည်။ အကြားအမြင်များသူ ဖြစ်လာသည်။
သို့ဖြင့် ၁၈-နှစ်အရွယ်သို့ ရောက်လျှင် မိခင်၏ အဖြစ်ကို မကျေနပ်နိုင်ပါ။
ကျွန်မခံသင့်ပါ-ဟု ဆို၍ မိခင်ကိုခေါ်ကာ ဘုရင်ထံသွားသည်။
ဘုရင်အား
အမျိုးသမီးငယ်က-ကျွန်တော်မ၏ မိခင် ကျွန်ခံရသည့်ကိစ္စ မကျေနပ်နိုင်ပါ။
အရှင့်ရှေ့တော်ဝယ် ပုဏ္ဏားတို့နှင့် တရားဆိုလိုပါသေးသည်-ဟုလျှောက်၏။
ဘုရင်လည်း ခွင့်ပြုကာ ပုဏ္ဏား ၆-ယောက်ကို ခေါ်ပေးသည်။ ပုဏ္ဏား ၆-ယောက်တို့
ရောက်လာသော် အမျိုးသမီးငယ်က ဘုရင့်ထံမှ ငွေအသပြာငါးရာ ခေတ္တချေးယူသည်။
ထို့နောက် အသပြာငါးရာထုပ်ကိုကိုင်လျက် ပုဏ္ဏားတို့အား အရေးဆိုသည်။
အသပြာငါးရာကို ပေးအပ်လျှင် ကျွန်ုပ်မိခင်အား ကျွန်အဖြစ်က လွှတ်မည်လော-ဟု
မေးသည်။ ပုဏ္ဏားတို့ကလည်း လွှတ်ပါမည်-ဟု ၀န်ခံကြသည်။
ထိုအခါ
အမျိုးသမီးငယ်က-ယခု အသပြာငွေ ရပါပြီ။ ကျွန်မ ပေးဆပ်ပါတော့မည်။ အပ်နှံရင်း
ပုဏ္ဏား ၇-ယောက်ပြည့်အောင် ခေါ်ပါဦး-ဟုဆိုသည်။ ပုဏ္ဏား ၆-ယောက်တို့မှာ
၇-ယောက်မပြည့်။ အသပြာငွေကို လက်မခံနိုင်။ အသပြာငွေခိုးသွားသော ပုဏ္ဏားငယ်
မည်သည့်အရပ်သို့ ထွက်ပြေးသည်ကိုလည်း မသိကြ။ မည်သို့မျှ မတတ်နိုင်အောင်
ဖြစ်ကြရသည်။
ထိုအခါ မှူးမတ်တို့သည် အမျိုးသမီးငယ်၏ ဉာဏ်ပညာကို ချီးကျူးမဆုံး ရှိကြသည်။ ပုဏ္ဏား ၆-ယောက်တို့ပင် မနေသာ ချီးကျူးသမှု ပြုကြရသည်။
ဘုရင်ကလည်း-ငါ စီရင်အပ်သော တရားကား ယွင်းမှားပေစွ။ ယနေ့မှစ၍ သူဆင်းရဲမကို
ကျွန်အဖြစ်မှ လွှတ်စေ။ ငါတရားမှားသည့်အတွက်ကြောင့် အမျိုးသမီးငယ်
ချေးငှားသော အသပြာ ငါးရာကို လျော်ကြေးအဖြစ် အပြီးအပိုင် ယူစေ-ဟူ၍
ပြောင်းလွှဲ စီရင်လိုက်လေသည်။
ထို့နောက် ဘုရင်သည် အမျိုးသမီးငယ်၏
အကြားအမြင်များမှု၊ ဉာဏ်ပညာရှိမှုကို လေးစားမြတ်နိုးသဖြင့် အမျိုးသမီးငယ်ကို
မိဖုရား မြှောက်လိုက်လေသည်။ ပြည်ထဲရေးကို တိုင်ပင်နှီးနှောခြင်း ပြုလေသည်။
ပန်းပဲလုလင်ပျို နေထိုင်ရာ ရွာအနီးတွင် အိမ်ခြေတထောင်ရှိသော
ပန်းပဲရွာကြီးတရွာ ရှိသည်။ ထိုရွာရှိ အကြီးအကဲဖြစ်သူ ပန်းပဲဆရာကြီးတွင်
သမီးပျိုတယောက်ရှိသည်။ သူသည် လှပတင့်တယ်၍ လိမ္မာယဉ်ကျေး သည်။
သူ၏ဂုဏ်သတင်းကို ပန်းပဲလုလင်ပျို ကြားသောအခါ မမြင်ဖူးဘဲနှင့်
မေတ္တာသက်ဝင်မိသည်။ ထို့ကြောင့် သူသည် မိမိ၏ ပညာစွမ်းကို ပြ၍ မိန်းမပျိုကို
ရအောင် ဆောင်နှင်းမည်ဟု ကြံစည်ကြိုးစားသည်။
သူသည် အလွန်ကောင်းသော
သံဖြင့် အလွန်သေးငယ်သော အပ်တချောင်းကို ပြုလုပ်သည်။ အပ်တွင်
နဖားထွင်းပြီးလျှင် ရေပေါ်၌ ပေါ်အောင် စီမံပြုလုပ်သည်။ ထို့နောက် ထိုအပ်နှင့်
အလားတုသော နဖားပါသည့် အပ်အိမ်ကို ပြုလုပ်သည်။ အပ်ကို ထိုအပ်အိမ်ထဲတွင်
ထည့်သည်။ ထို့နောက် အလားတူ အပ်အိမ်တခုကို လုပ်ပြန်သည်။ ပထမအပ်အိမ်ကို
ဒုတိယအပ်အိမ်၌ ထည့်သည်။ ဤသို့လျှင် အပ်အိမ်အဆင့်ဆင့် ပြု၍ ထည့်သည်။ အပ်အိမ်
ခုနစ်အိမ်အထိ ပြုသည်။ ထို့နောက် ယင်းကို အပ်ကျည်တောက်တွင်ထည့်၍
ပန်းပဲရွာသို့ ယူဆောင်သွားသည်။
သူသည် ပန်းပဲဆရာကြီး၏ နေအိမ်ရှေ့သို့
ရောက်သောအခါ အပ်ရောင်းမည်ဟူ၍ ဟစ်အော်သည်။ ပန်းပဲဆရာကြီး၏ သမီးပျိုသည်
အိမ်ထဲမှ ထွက်လာပြီးလျှင် အခြားရွာက အပ်အလိုရှိသူများပင် သည်ရွာသို့လာ၍
ဝယ်ကြရသည်။ မောင်ကြီး၏အပ်ကို အခြားရွာသို့ သွား၍ ရောင်းပါလေ-ဟူ၍ ညင်သာစွာ
ပြောဆိုသည်။
ပန်းပဲလုလင်ပျိုက မောင်ကြီး၏ အပ်သည်
အခြားအပ်များနှင့်မတူ၊ ထူးခြားလှပါသည်။ မောင်ကြီး၏အပ်ကို နှမ၏ ဖခင်သာ
တွေ့မြင်ပါက မောင်ကြီး၏ ပညာကို ချီးကျူးကာ နှမငယ်နှင့်ပင် လက်ဆက်ပေးမည်
ထင်ပါသည်-ဟူ၍ ပြော၏။
ထိုစကားကို ပန်းပဲဆရာကြီး ကြားသောအခါ လုလင်ပျိုကို အိမ်ထဲသို့ ခေါ်စေသည်။ ယူဆောင်လာသောအပ်ကို ပြစေသည်။
လုလင်ပျိုက-ဖခင်တဦးတည်း ကြည့်ရသည်ထက် အခြားပန်းပဲဆရာများနှင့်အတူ ကြည့်ရသည်က ပိုကောင်းပါ လိမ့်မည်-ဟု ဆို၏။
သို့ဖြင့် ပန်းပဲဆရာကြီးသည် ရွာတွင်းရှိ အခြားပန်းပဲဆရာများကိုပါ ခေါ်ယူစုရုံး၍ ကြည့်ရှုစေသည်။
လူစုံသောအခါ လုလင်ပျိုသည် အပ်ကျည်တောက်ထဲမှ အပ်အိမ်ငယ်ကို ထုတ်၍ ပြသည်။
ပန်းပဲဆရာကြီးက-အမောင် ဤအရာသည် အပ်လော-ဟုမေးသည်။ လုလင်ပျိုက အပ်မဟုတ်သေးပါ။
အပ်အိမ်မျှသာ ဖြစ်ပါသည်-ဟု၍ ဆို၏။
ပန်းပဲဆရာကြီးသည် အပ်အိမ်ကို
သေချာစွာစစ်ဆေးကြည့်သည်။ အပ်အိမ်မှာ နဖားပါနေသဖြင့် အပ်အိမ်နှင့်မတူ၊
အပ်ဟူ၍ပင် ထင်မှတ်ရသည်။ လုလင်ပျိုသည် ပန်းပဲဆရာကြီးလက်မှ အပ်အိမ်ကို ယူလျက်
လက်သည်းဖြင့် ခြစ်၍ အပ်အိမ်ခုနစ်ခုကို တခုပြီးတခု ချွတ်ပြသည်။
နောက်ဆုံးတွင်မှ အပ်ငယ်ပေါ်ထွက်လာ သည်။
ပန်းပဲဆရာကြီး၊
ကျန်ပန်းပဲဆရာများနှင့် ပရိသတ်အားလုံးပင် အပ်ကိုကြည့်ကာ အံ့ချီးမဆုံး
ရှိကြသည်။ လုလင်ပျိုသည် မိမိ၏ အပ်အစွမ်းကို ဆက်လက်ပြရန်အတွက် ပေခုံကိုလည်း
တောင်းသည်။ ရေအပြည့် ထည့်ထားသော ကြေးခွက်ကိုလည်း တောင်းသည်။ ထို့နောက်
လုလင်ပျိုက ပန်းပဲယောက်ျားကြီးတဦးအား ပေခုံကို ကိုင်ထားစေသည်။
အခြားတဦးအား ထိုပေခုံအောက်တွင် ရေထည့်ထားသော ကြေးခွက်ကို ကိုင်ထားစေသည်။
အားလုံးအသင့်ဖြစ်ကြသော် သူသည် အပ်ကို ပေ၌စိုက်၍ တူဖြင့် တအားထုချလိုက်သည်။
ထိုအခါ အပ်သည် ပေခုံကို ထုတ်ချင်းခတ် ဖောက်ထွင်းကာ ရေခွက်ထဲသို့ ကျသွားသည်။
ကျရာတွင် ရေအောက်သို့လည်း ရောက်မသွား၊ ရေမျက်နှာပြင်ပေါ်လည်း ပေါ်မနေ၊
ရေလယ်၌သာ တည်နေသည်။
ပန်းပဲဆရာအားလုံးက ဤမျှ ကောင်းမွန်လှသော
အစွမ်းထက်လှသော အပ်မျိုးကို ငါတို့လုပ်တတ်ရန် ဝေးစွ။ မြင်မျှပင်
မမြင်ဘူးပါ။ ယခုမှသာ မြင်ဖူးပါတော့သည်-ဟူ၍ ၀န်ခံပြောဆိုကြသည်။
လက်ပမ်းပေါက်ခတ် ချီးကျူးကြသည်။ ပန်းပဲဆရာကြီးသည်လည်း လုလင်ပျို၏
ပညာအစွမ်းကို အလွန်နှစ်သက်သွားသည်။ ထိုနေရာမှာပင် မိမိ၏ သမီးပျိုနှင့်
လက်ထပ်ထိမ်းမြားပေးလေသည်။
ကျမ်းကိုး။ ။ ငါးရာ့ငါးဆယ်၊ သူစိဇာတ်။
( မင်းယုဝေ)
( မြတ်မင်္ဂလာ ၂၀၀၂-ခု မတ်လ)
~~~~~~~~~~~~~~~~~~~~~~~~~~Posted by: mingala
( ၉ ) ကိုယ်ကျင့်ဝိနည်းကို စောင့်ထိန်းလိုက်နာခြင်း
*************************************************
ကိုယ်ကျင့်ဝိနည်းကို စောင့်ထိန်းလိုက်နာခြင်းသည်၊
တနည်းအားဖြင့်-ရဟန်းကျင့်ဝတ်၊ လူ့ကျင့်ဝတ်တို့ကို
စောင့်ထိန်းလိုက်နာခြင်းသည် မင်္ဂလာတပါး ဖြစ်သည်။
လွန်လေပြီးသောအခါ
ဗာရာဏသီပြည်တွင် စဏ္ဍာလလင်မယား ၂-ယောက်ရှိသည်။ တနေ့သ၌ စဏ္ဍာလ၏ မယားသည် သရက်သီး
စားချင်သော ချင်ခြင်းဖြစ်၏။ ထို့ကြောင့် ယောက်ျားဖြစ်သူကို သရက်သီးရှာဖွေ
ပေးရန် ပြောဆိုသည်။ ထိုအချိန်မှာ သရက်သီးပေါ်ချိန် မဟုတ်သဖြင့် ယောက်ျားက
သရက်သီး မရနိုင်ဟု ဆို၏။ မိန်းမက-သရက်သီး မစားရလျှင် သေရပါလိမ့်မည်။
ကြံဖန်ရှာဖွေပေးပါ-ဟူ၍ ငိုယိုပူဆာ၏။
စဏ္ဍာလယောက်ျားလည်း မယားကို
ချစ်လှသောကြောင့် သရက်သီးရနိုင်မည့် နေရာကို လိုက်လံစုံစမ်းသည်။ ထိုအခါ
ဗာရာဏသီမင်း၏ ဥယျာဉ်ထဲရှိ သရက်ပင်တပင်တွင် သရက်သီးရှိကြောင်း
စုံစမ်းသိရှိရသည်။
ဤတွင် သူသည် စဉ်းစားဆင်ခြင်ခြင်းမပြု၊
ညဥ့်အချိန်တွင် ဘုရင့်ဥယျာဉ်တော်သို့ တိတ်တဆိတ် ခိုးဝင်သည်။
သရက်ပင်များပေါ်သို့ တပင်ပြီးတပင် တက်သည်။ သရက်သီးကို ရှာဖွေသည်။ ထိုစဉ်
မိုးလင်းသွားလေသည်။
သူသည် ထိတ်လန့်တုန်လှုပ်သွားသည်။
အစောင့်တို့မြင်လျှင် ဖမ်းဆီး၍ ပြစ်ဒဏ်ပေးခံရမည်ကို ကြောက်လန့် သွားသည်။
ညဥ့်အချိန်ကျမှ တိတ်တဆိတ် ထွက်ပြေးတော့မည်ဟူ၍ ကြံစည်သည်။ အပင်ပေါ်မှာပင်
ပုန်းအောင် နေသည်။ ထိုအခိုက်တွင် ဗာရာဏသီမင်းသည် ပုရောဟိတ်ပုဏ္ဏားနှင့်အတူ
ဥယျာဉ်ထဲသို့ ၀င်ရောက်လာသည်။ မင်းသည် ပုဏ္ဏားထံမှ ဗေဒင်သင်ယူရန်
ရောက်လာခြင်းဖြစ်သည်။ သူတို့နှစ်ဦးသည် စဏ္ဍာလယောက်ျား ပုန်းအောင်းနေသော
သရက်ပင်ခြေရင်းတွင် နေရာယူကြသည်။ မင်းသည် မြင့်သောနေရာက နေလျက်၊ ပုဏ္ဏားကား
နိမ့်သောနေရ၌နေလျက် ဗေဒင်ပညာကို သင်ယူနေသည်။
ထိုအခြင်းအရာကို
စဏ္ဍာလယောက်ျား တွေ့မြင်သောအခါ အမြင်မတော် ဖြစ်မိသည်။ မင်းနှင့် ပုဏ္ဏားတို့၏
အမှားကို ဆင်ခြင်မိသည်။ ထို့ပြင် မိမိ၏ အမှားကိုလည်း ဆင်ခြင်မိသည်။
ထို့ကြောင့် သူသည် သစ်ပင်ပေါ်မှ ဆင်း၍ မင်းကိုရှိခိုးလျက် လျှောက်ထားသည်။
အရှင်မင်းကြီး၊ ကျွန်တော်မျိုးတို့ သုံးဦးလုံး အသီးသီး လိုက်နာရမည့်
ကျင့်ဝတ်တို့ကို မစောင့်၊ ဖောက်ဖျက်နေကြ ပါသည်။ ကျွန်တော်မျိုးသည်
ကျင့်ဝတ်ကိုမစောင့်၊ မိန်းမအလိုကိုလိုက်၍ အရှင်မင်းကြီး၏ သရက်သီးကို
ခိုးယူရန် ဥယျာဉ်တော်တွင်းသို့ ၀င်ရောက်ခဲ့မိပါသည်။
ပုရောဟိတ်ပုဏ္ဏာသည်လည်း ဗေဒင်သင်ပေးသော ဆရာဖြစ်ပါလျက် အမြင့်က မနေ၊ အနိမ့်ကနေ၍ ပညာသင်ပေးနေပါသည်။
အရှင်မင်းကြီးသည်လည်း ယခုအချိန်တွင် ဗေဒင်သင်ယူနေသော တပည့်ဖြစ်ပါလျက်
အနိမ့်ကမနေ၊ အမြင့်ကနေ၍ ပညာသင်ယူနေသည်။ အမြင်မတော်ပါ။ အမှားကို
ပြုကျင့်နေပြီ-ဟူ၍ လျှောက်ထားသည်။
ထိုအခါ ပုဏ္ဏားက
အချင်းယောက်ျား-ငါသည် ဘုရင်ပေးသော ရိက္ခာငွေကိုယူ၍ ထမင်းစားနေရသူ ဖြစ်ပါသည်။
ကျင့်ဝတ်ကို မစောင့်နိုင်။ ဘုရင့်အလိုကိုသာ လိုက်နိုင်မည်-ဟူ၍ ဆို၏။
စဏ္ဍာလ ယောက်ျားက အို-ဆရာပုဏ္ဏား၊ လောကကြီးမှာ ကျယ်ဝန်းလှပါသည်။ ဘုရင်မှတပါး
သင့်ကို ထမင်းကျွေးနိုင်သူ မရှိပြီလော။ အရပ်တပါးသို့သွား၍ အသက်မွေးပါ။
ထမင်း မငတ်နိုင်ပါ။ ကျင့်ဝတ်ကို မဖောက်ဖျက်ပါနှင့်။ ကျောက်သည် အိုးကို
ခွဲသကဲ့သို့၊ မဟုတ်မမှန်သော အမှုသည် သင့်ကို ပျက်စီးစေလိမ့်မည်။
မဟုတ်မမှန်သော အမှုကို ပြု၍ ရရှိသော စည်းစိမ်ဥစ္စာကို စက်ဆုပ်ပါ။
မမက်မောပါနှင့်-ဟူ၍ ပြောဆိုသည်။
ထိုစကားကိုကြားသောအခါ မင်းသည်
စဏ္ဍာလယောက်ျားကို လေးစားနှစ်သက်သွားသည်။ မျိုးမည်ကို မေးကြည့်သောအခါ
စဏ္ဍာလဖြစ်သည်ကို သိရှိသွားသည်။ သို့ရာတွင် လေးမြတ်ဖွယ်စကားကို ပြောဆို
အကြံပြုနိုင်သဖြင့် တန်ဖိုးရှိသောသူ ဖြစ်သည်ဟု ခံယူမိသည်။
ထို့ကြောင့် အမောင်-သင်သည် အမျိုးညံ့သော်လည်း နှလုံးကောင်းသည်။ ပညာရှိသည်။
သင့်ကို ငါလေးစား မြတ်နိုးသည်။ ထို့ကြောင့် အပြစ်မှ ချမ်းသာခွင့်
ပေးရုံမျှမက ငါ၏ မင်းစည်းစိမ်ကိုပင် ပေးလိုသည်။ သို့ရာတွင် သင်သည်
စဏ္ဍာလမျိုး ဖြစ်နေသောကြောင့် မင်းအဖြစ်ကို ပေး၍မရ။ မည်သို့ပင်ဖြစ်စေ
မင်းစည်းစိမ်တ၀က်ကို ငါပေးမည်။ နေ့အခါသာ ငါမင်းပြုမည်။ ညအခါကို အသင်
မင်းပြု-ဟူ၍ ပြောဆိုသည်။
မင်းကြီးသည် ဤသို့ဆိုကာ စဏ္ဍာလယောက်ျားကို
မြို့စောင့်အဖြစ် ခန့်ထားသည်။ ညအခါတွင် မင်းစည်းစိမ် တ၀က်ကို ပေးသည်။
ထိုနေ့ ထိုအချိန်မှစ၍လည်း ဗေဒင်သင်ယူရာတွင် ဆရာပုရောဟိတ်ပုဏ္ဏားကို
အမြင့်နေရာတွင် ထားသည်။ မိမိမူကား အနိမ့်နေရာတွင် နေလျက် နှိမ်ချစွာ
သင်ယူလေသည်။
ကျမ်းကိုး။ ။ ၅၅၀-ဆ၀ဇာတ်
( မင်းယုဝေ)
(မြတ်မင်္ဂလာ ၂၀၀၂-ခု ဧပြီလ)
=======================Posted by: mingala
လွန်လေပြီးသောအခါ ဗာရာဏသီပြည်၌ လုလင်ပျိုတယောက် ရှိသည်။ သူသည်
အမိအဖတို့ကို လွန်စွာချစ်မြတ်နိုး၏။ နတ်သိကြားကဲ့သို့ အမှတ်ပြု၍
ရိုသေစွာလုပ်ကျွေး၏။ ပြုစုစောင့်ရှောက်၏။ ထို့ကြောင့် ထိုလုလင်သည်
မာတုပေါသက ပိတုပေါသက-ဟူ၍ အမည်တွင်လေသည်။
တနေ့သောအခါ ထိုလုလင်သည်
အမိအဖတို့ကို ချမ်းသာစွာထားနိုင်ရန် အခကြေးငွေရလို၍ သင်္ဘောဖြင့်
စွန့်စားလိုက်ပါလေသည်။ ထိုသင်္ဘောသည် သီဟိုဠ်ကျွန်း (သီရိလင်္ကာ)သို့
ဆိုက်ကပ်သည်။ ထိုအချိန်မှာ သီဟိုဠ်ကျွန်း၌ သဲမိုးတို့ အဆက်မပြတ်ရွာကာ
လူအများ အတိဒုက္ခရောက်နေကြသည်။ လယ်ယာစိုက်ခင်းများ ပျက်စီးကြသည်။
သီဟိုဠ် (သီရိလင်္ကာ) မင်းလည်း သဲမိုးရွာသောကပ်မှ လွတ်မြောက်ရန်
မည်သို့ပြုရမည်ကို သမားဖြူ၊ သမားညိုတို့ကိုခေါ်၍ မေးမြန်းသည်။ သမားဖြူ
သမားညိုတို့က -အရှင်မင်းကြီး ဤသဲမိုးရွာသောကပ်သည် အလွန်ထူးခြားသော သစ္စာကို
ပြုလျှင် ပျောက်ပါလိမ့်မည်-ဟူ၍ လျှောက်တင်ကြသည်။
အဘယ်သစ္စာကို အဘယ်သူအား ပြုစေရမည်နည်း-ဟူ၍ မင်းက မေးမြန်း၏။
အရှင်မင်းကြီး၊ အမိအဖတို့ကို နတ်သိကြားကဲ့သို့ ယူမှတ်၍ လုပ်ကျွေးသောသူကို သစ္စာပြုစေရပါမည်-ဟူ၍ သမားဖြူ၊ သမားညိုတို့ကို လျှောက်၏။
မင်းကလည်း-အမိအဖတို့ကို နတ်သိကြားကဲ့သို့ ယူမှတ်၍ ရိုသေစွာ လုပ်ကျွေးသူကို
များစွာဆုလာဘ်ပေးမည်။ မောင်းခတ်၍ ရှာလေ-ဟူ၍ အမိန့်တော်ရှိ၏။
မှူးမတ်တို့လည်း မောင်းကြေးနင်းခတ်၍ ရှာကြသည်။ တပြည်လုံးတွင် တယောက်မျှ မရှိ။ အခက်တွေ့နေကြသည်။
ထိုအခါ မာတုပေါသက ပိတုပေါသက လုလင်သည် သင်္ဘောထက်ကနေ၍ အို-အချင်းတို့၊ ငါသည်
အမိအဖတို့ကို နတ်သိကြားကဲ့သို့ ယူမှတ်၍ ရိုသေစွာ လုပ်ကျွေးသူတည်း-ဟု
လှမ်းအော်ပြောသည်။
မှူးမတ်တို့လည်း မင်းကြီးအား ထိုအကြောင်းကို လျှောက်ထားသည်။ ထိုအခါ မင်းကြီးက-ထိုသူကိုခေါ်၍ သစ္စာဆိုစေလော့-ဟူ၍ မိန့်တော်မူလိုက်သည်။
မှူးမတ်တို့သည် လုလင်ထံသွား၍ သူတို့၏ဒုက္ခကို ပြောပြကြသည်။ ထိုဒုက္ခမှ လွတ်မြောက်အောင် သစ္စာဆိုပါရန်လည်း ပန်ကြားကြသည်။
ထိုအခါ မာတုပေါသက ပိတုပေါသက လုလင်လည်း သင်္ဘောဦးသို့တက်ပြီးလျှင် -ငါသည်
လူလားမြောက်ကာ သိမြင်လိမ္မာသည်မှစ၍ အမိအဖနှစ်ပါးတို့၏ ကျေးဇူးကို
အောက်မေ့ဆင်ခြင်ခဲ့သည်။ ကြည်ညိုမြတ်နိုးမဆုံး ရှိခဲ့သည်။ ထို့ကြောင့်
အမိအဖနှစ်ပါးတို့ကို မငတ်မမွတ်၊ မနွမ်းနယ်စေရန် အိမ်ဦးနတ်ကဲ့သို့၎င်း၊
သိကြားမင်း၊ ဗြဟ္မာမင်းကဲ့သို့၎င်း၊ အမှတ်ထား၍ ရိုသေစွာ လုပ်ကျွေးမွေးမြူသူ
မှန်ပါသည်။ ဤသစ္စာအတိုင်း မှန်ပါက ဤသဲမိုးသည် ချက်ချင်းရပ်ပါစေသတည်း။
ဤသဲမိုး ရပ်သဖြင့် ပြည်သူပြည်သား၊ မင်း၊ မှူးမတ်၊ ပုဏ္ဏား၊ သူဌေး၊ သူကြွယ်၊
ကုန်သည်၊ လယ်လုပ်မှစ၍ သတ္တ၀ါအားလုံး ချမ်းသာကြပါစေသတည်း-ဟူ၍ သစ္စာပြုသည်။
ထိုသို့ သစ္စာပြုသော ခဏမှာပင် သဲမိုးသည် ရပ်လေ၏။ အားလုံး ချမ်းသာရာ ရကြလေသည်။
ထိုအခါ မင်းနှင့်တကွ မှူးမတ်၊ ပုဏ္ဏား၊ သူဌေး၊ သူကြွယ်၊ ကုန်သည်၊
လယ်လုပ်မှစ၍ ပြည်သူပြည်သားတို့သည် လုလင်အား များပြားလှစွာသော
ပစ္စည်းဥစ္စာတို့ဖြင့် ပူဇော်ကြသည်။ လုလင်သည် ထိုပစ္စည်းတို့ကို
သင်္ဘောငါးစင်းဖြင့်တင်၍ အိမ်သို့ပြန်ခဲ့သည်။ ရောက်သော် အမိအဖတို့အား
အကျိုးအကြောင်းပြောပြကာ ရရှိသောပစ္စည်းများဖြင့် ပူဇော်လေသည်။ သူတို့
၃-ဦးသည် ဒါနကောင်းမှု စသည်များကို ပြု၍ ချမ်းမြေ့စွာ နေထိုင်သွားကြသည်။
စုတေသောအခါ နတ်ပြည်သို့ လားကြလေသတည်း။
အကိုး။ ။ မင်္ဂလာသာရ ဒီပနီကျမ်းမူဟောင်း (၁၉၂၀-ပြည့်နှစ်)
( မင်းယုဝေ)
(မြတ်မင်္ဂလာ ၂၀၀၂-ခု ဇွန်လ)
~~~~~~~~~~~~~~~~~~~~~~Posted by: mingala
( ၁၂ ) သား မယားကို ကောင်းစွာ ကျွေးမွေး စောင့်ရှောက်ခြင်း
++++++++++++++++++++++++++++++++++++++
( ၃၈-ဖြာ မင်္ဂလာ ၁၀-၁၁-ပါ စာအုပ် မရှိသေးပါ)
သား မယားကို ကောင်းစွာ ကျွေးမွေးစောင့်ရှောက်ခြင်းသည် မင်္ဂလာတပါး ဖြစ်၏။
ကြီးပွားခြင်း၏ အကြောင်းတရပ် ဖြစ်၏။
ရှေးသရောအခါ ဗာရာဏသီပြည်ဝယ် ဗြဟ္မာဒတ်မင်းသည် မင်းပြု၏။ ထိုအခါ
ဗာရာဏသီပြည်၏ အနောက် နိဂုံးရွာ၌ သုဒဿနအမည်ရှိ်သော ယောက်ျားသည်
သုဇာတာအမည်ရှိသော ဇနီးနှင့် အတူ ပေါင်းသင်း နေထိုင်၏။
သူတို့ဇနီးမောင်နှံတွင် သားသမီး ၃-ယောက်ထွန်းကားသည်။ သုဇာတာသည် သားသမီး
၃-ယောက် မွေးဖွားသော်လည်း ရုပ်ရည်မကျ၊ နုပျို၏။ အလွန်လှပချောမော၏။ သုဒဿနသည်
ဇနီးသုဇာတာနှင့် သားသမီးတို့ကို အလွန်ချစ်ခင်မြတ်နိုး၏။ ကောင်းစွာ
လုပ်ကိုင်ကျွေးမွေး၏။ ထို့အတူ သုဇာတာသည်လည်း ခင်ပွန်း သုဒဿနနှင့်
သားသမီးတို့ကို အလွန်ချစ်ခင်မြတ်နိုး၏။ ကောင်းစွာ ပြုစုလုပ်ကျွေး၏။
တနေ့သ၌ သုဒဿနနှင့် သုဇာတာတို့သည် ဗာရာဏသီမြို့ရှိ အဆွေအမျိုးတို့ကိုတွေ့ရန်
လှည်းဖြင့် အတူသွားကြသည်။ ထိုအချိန်တွင် ဗြဟ္မဒတ်မင်းသည် ဆင်စီးလျက်
မြို့ကို လှည့်သည်တွင် သုဇာတာကို မြင်လေသည်။ အလွန်နှစ်သက်သဖြင့်
မင်းချင်းတယောက်ကို စေလိုက်သည်။ လင် ရှိ-မရှိ မေးစေသည်။
သုဇာတာကလည်း
ကျွန်မမှာ အိမ်ထောင်ရှင် ဖြစ်ပါသည်။ လှည်းပေါ်တွင် ခင်ပွန်းဖြစ်သူ အတူပါလာ
ပါသည်-ဟူ၍ ပြောပြသည်။ မင်းချင်းလည်း အဖြစ်မှန်ကို လျှောက်ထားသည်။ မင်းသည်
အကျင့်ပျက်သောမင်း ဖြစ်ရကား လင်ရှိသော်လည်း သုဇာတာကို ရအောင်ယူမည်ဟု
ကြံစည်သည်။ မင်းချင်းအား သုဇာတာတို့၏လှည်း မည်သည့်အရပ်တွင် ရပ်နားသည်ကို
လိုက်၍ ကြည့်စေသည်။
ထို့နောက် မင်းသည် ညအခါ၌ မင်းချင်အား မိမိ၏
မကိုဋ်တော်ကို သုဒဿန၏ လှည်းပေါ်သို့ တိတ်တဆိတ် သွားရောက်ချထားစေသည်။
နံနက်မိုးသော်သောအခါ မှူးမတ်တို့အား မြို့တံခါး လေးမျက်နှာကို ပိတ်၍
အထွက်အ၀င် မရှိအောင် ပြုကြ၊ မကိုဋ်တော် ပျောက်သည်-ဟု ကြွေးကြော်၍ ရှာကြ-ဟူ၍
စေသည်။
မှူးမတ်တို့သည် မကိုဋ်တော်ကို ရှာကြသည်။ မကြာမီပင်
သုဒဿနနှင့် သုဇာတာတို့၏ လှည်းပေါ်တွင် မကိုဋ်တော်ကို တွေ့သည်။ ထိုအခါ
သုဒဿနကို ဖမ်းယူ၍ မင်းကြီး၏လက်သို့ အပ်သည်။
မင်းက-ဤသူခိုးကို
သတ်မည်-ဟုဆိုကာ သုသာန်သို့ ခေါ်ဆောင်သွားစေသည်။ မိမိကိုယ်တိုင်သတ်ရန်
ဆင်စီး၍ နောက်မှလိုက်သွားသည်။ ထိုအခါ သုဇာတာသည်လည်း ငိုကြွေးလျက်
နောက်မှလိုက်သည်။ သုသာန်သို့ ရောက်သောအခါ သုဇာတာက ငါ၏လင်သည် ခိုးသူမဟုတ်၊
အပြစ်မရှိ၊ ငါ၏လင်သည် ငါမှတပါး မည်သည့်မိန်းမကိုမျှ မကျူးလွန်၊ မဖောက်ပြန်၊
သစ္စာစောင့်ထိန်းသူ ဖြစ်သည်။ မယားနှင့်တကွ သားသမီးတို့ကို မညှိုးငယ်စေရ။
ကောင်းစွာလုပ်ကျွေး မွေးမြူသူ ဖြစ်သည်။ ငါသည်လည်း ငါ့လင်မှတပါး
မည်သည့်ယောက်ျား နှင့်မှ ဖောက်ပြန်ကျူးလွန်ခြင်း မရှိ။ ငါ့လင်နှင့်
ငါ့သားသမီးတို့ကို ကောင်းစွာပြုစုစောင့်ရှောက်သူ ဖြစ်သည်။ ဤသစ္စာအတိုင်း
ဟုတ်မှန်ပါလျှင် ငါ့လင်ကို ကယ်သူ ပေါ်ပါစေသား-ဟု သစ္စာဓိဋ္ဌာန်ပြုသည်။
သစ္စာပြုသည့် တခဏအတွင်းမှာပင် သိကြားမင်း ဆင်းလာသည်။ ဗြဟ္မဒတ်မင်းကို
ဆင်ထက်မှ တွန်းချ၍ သတ်လိုက်သည်။ သုဒဿနနှင့် သုဇာတာတို့ကို ဆင်ပေါ်သို့
တင်သည်။ ကိုယ်တိုင်ပင် ရာဇဘိသိက် သွန်းပေး၍-ဟယ် မှူးမတ် ပြည်သူတို့
မတရားသောမင်းကို ငါဖယ်ရှား၍ တရားစောင့်သောသူကို ငါ မင်းမြှောက်လိုက်ပြီ။
သင်တို့ ရိုသေစွာ အမှုထမ်းကြလော့-ဟူ၍ ဆိုကာ ကွယ်ပျောက်သွားလေသည်။
မှူးမတ်ပြည်သူတို့လည်း သုဒဿနမင်းကို ရိုသေစွာ ဆက်ဆံ၍ အမှုထမ်းကြသည်။
မင်းအဆုံးမကို လိုက်နာကြသည်။ သုဒဿနမင်းကလည်း မင်းကျင့်တရားဆယ်ပါးနှင့် အညီ
မင်းပြုရာ တပြည်လုံး သာယာငြိမ်းချမ်း ကြည်ရွှင် ကြလေသည်။
ကျမ်းကိုး။ ။ မင်္ဂလာသာရ ဒီပနီကျမ်း။
( မင်းယုဝေ)
( မြတ်မင်္ဂလာ ၂၀၀၂-ခု ဇူလိုင်လ)
-----------------------------------------Posted by: mingala
( ၁၃) ရှုပ်ထွေးမှုကင်းလျက် သန့်ရှင်းသပ်ရပ်စွာ အလုပ်လုပ်ခြင်း
@@@@@@@@@@@@@@@@@@@@@@@@
ရှုပ်ထွေးမှုကင်းလျက် သန့်ရှင်းသပ်ရပ်စွာ အလုပ်လုပ်ခြင်းသည် မင်္ဂလာတပါးဖြစ်သည်။
ကြီးပွားခြင်း၏ အကြောင်းတရပ်ဖြစ်သည်။
အချိန်ကို သိနားလည်ခြင်း၊ သင့်လျော်အောင် ပြုတတ်ခြင်း၊ မပျင်းရခြင်း၊
လုံ့လရှိခြင်း၊ ပျက်စီးအောင် မပြုခြင်းတို့သည် ရှုပ်ထွေးမှုကင်းလျက်
သန့်ရှင်းသပ်ရ့ပ်စွာ အလုပ်လုပ်ခြင်းတွင် အကျုံးဝင်ပေသည်။
တရံရောအခါ ဗာရာဏသီပြည်မှ လှည်းမှူးကြီးတဦးသည် လှည်းသားငါးရာကို ဦးဆောင်၍
ကုန်သွယ်သွားသည်။ သူတို့သည် ကျယ်ဝန်းလှသော သဲကန္တာရကြီးကို
ဖြတ်သန်းသွားရသည်။ သဲကန္တာရမှာ နေ့အခါ ပူပြင်းလှ သောကြောင့် လှည်းသားတို့သည်
ခရီးမသွားနိုင်။ တဲဆောက်၍ နားနေကြရသည်။ ညဘက်သို့ရောက်သော အခါတွင်မှ
ကြယ်များကိုကြည့်လျက် လမ်းညွှန်သူ၏ အကူအညီဖြင့် သွားကြရသည်။
ဤသို့သွားရာမှ သဲကန္တာရခရီးဆုံးရန် တညသာလိုတော့သည်အထိ ခရီးပေါက်လာခဲ့သည်။
ဤတွင် နောက်ဆုံးညခရီး ဖြစ်သဖြင့် ထိုညအတွက် ညာစာစားပြီးနောက် ထင်း-ရေ
စသည်တို့ကို စွန့်ပစ်ကာ ခရီးဆက်ကြသည်။ လမ်းညွှန်သူသည် ညများစွာ မအိပ်ရသဖြင့်
ပင်ပန်းနွမ်းနယ်ကာ အိပ်ပျော်သွားလေသည်။ ထိုအခါ လမ်းမှားပြီးလျှင်
လာခဲ့သည့်လမ်းအတိုင်း ပြန်၍ လာမိကြသည်။ လမ်းညွှန်သူသည် အရုဏ်တက်မှ နိုးသည်။
လမ်းမှားနေသည်ကို သိသဖြင့် ပြန်လှည့်ကြ၊ ပြန်လှည့်ကြ-ဟူ၍ ဆို၏။
ဤသို့ပြော၍ လှည်းများကို ပြန်လှည့်ရန် စီစဉ်နေဆဲမှာပင် နေထွက်လာသည်။
အနီးဝန်းကျင်ကို ကြည့်လိုက်သောအခါ ယခင်ည ထွက်ခွာခဲ့ရာ စခန်းသို့
ပြန်ရောက်နေသည်ကို တွေ့ရသည်။ အားလုံးပင် စိတ်အားငယ်၍ စိတ်ဓာတ်ကျကုန်ကြသည်။
စိတ်ပျက်လက်ပျက်ဖြင့် တဲဆောက်၍ အိပ်ကြသည်။ ရေမရှိဖြင့် လူရောနွားပါ
ဒုက္ခရောက်တော့မည့် အခြေအနေသို့ ရောက်နေသည်။
ထိုအခါ
လှည်းမှူးကြီးက-ငါ ၀ီရိယလျှော့သော် အားလုံး ပျက်စီးရှာကြတော့မည်။ မဖြစ်မနေ
ငါကြိုးစားမှ ဖြစ်မည်-ဟု ဆိုကာ ရေရနိုင်မည့်နေရာကို လှည့်လည်ရှာဖွေသည်။
မကြာမီ နေစာမြက်တခုကို တွေ့မြင်သည်။ သည်နေရာတွင် ရေရှိရမည်-ဟူ၍ တွက်ဆကာ
လှည်းသားများအား တူးစေသည်။
လှည်းသားမျာသည် ကြိုးစားတူးဖော်ကြသည်။
အတောင် ၆၀-အရောက်တွင် ရေမတွေ့ဘဲ ကျောက်ဖျာကြီးကို တွေ့လေသည်။ စိတ်ပျက်၍
အားလျှော့ကြသည်။ လှည်းမှူးကြီးကား အားမလျှော့၊ တွင်းထဲသို့ ဆင်း၍
ကျောက်ဖျာကို နားဖြင့် ကပ်လျက် ထောင်၏။ ထိုအခါ ရေစီးသံကို ကြားရသည်။
ချက်ချင်း တွင်းပေါ်သို့ ပြန်တက်ကာ တပည့်လုလင်တဦးအား-အမောင်
စိတ်မလျှော့နှင့် စိတ်လျှော့လျှင် အားလုံး ပျက်စီးကြလိမ့်မည်။ ဤသံတူဖြင့်
ကျောက်ဖျာကို ကြိုးစားထုခွဲပါ။ ၀ီရိယအကျိုးကို ငါတို့
မုချခံစားရလိမ့်မည်-ဟူ၍ ဆို၏။
လုလင်လည်း လှည်းမှူးကြီး၏ စကားကို
နာယူသည်။ သံတုဖြင့် ကျောက်ဖျာကို ထုခွဲ၏။ ခဏကြာသော် ကျောက်ဖျာကွဲ၍ ရေများ
ဒလဟော ထွက်လာလေသည်။ လှည်းသမားတို့သည် ၀မ်းမြောက်ဝမ်းသာ ဖြစ်သွားကြသည်။
ရေကို သုံးစွဲ၍ ထမင်းချက်စားကြသည်။ နေ၀င်သော် ခရီးဆက်ကြရာ သဲကန္တာရကို
လွန်မြောက်၍ အလိုရှိရာအရပ်သို့ ရောက်ရှိကြလေသည်။
ကျမ်းကိုး။ ။ ၅၅၀-၀ဏ္ဏပထဇာတ်။
(မင်းယုဝေ)
(မြတ်မင်္ဂလာ ၂၀၀၂-ခု သြဂုတ်လ)
.>>>>>>>>>>>>>>>>>>>>>>Posted by: mingala
( ၁၆ ) အဆွေအမျိုးတို့ကို ထောက်ပံ့ကူညီခြင်း
**********************************************
( ၃၈-ဖြာ မင်္ဂလာ ၁၄-၁၅-ပါ စာစောင် မရှိသေးပါ )
အဆွေအမျိုးတို့အား ထောက်ပံ့ကူညီခြင်းသည် မင်္ဂလာတပါး ဖြစ်သည်။
တနည်းအားဖြင့်-ကြီးပွားချမ်းသာခြင်း၏ အကြောင်းတရပ်ဖြစ်သည်။
လွန်လေပြီးသောအခါ တောအုပ်တခု၌ မျောက်တသင်း နေထိုင်သည်။ အသိအလိမ္မာရှိသော
မျောက်ကြီး တကောင်ကို သူတို့က မင်းမြှောက်ထားသည်။ ထိုတောအုပ်အနီးတွင်
ရွာငယ်တရွာရှိသည်။ ထိုရွာမှာ အမြဲ လူမနေ။ အလုပ်လုပ်ချိန်ကျသောအခါမှ
လူတို့လာရောက်နေထိုင်၏။ လုပ်ပြီးသောအခါ လူတို့ စွန့်ခွာသွားကြ၏။ ထိုရွာ၌
တည်ပင်ကြီးတပင် ရှိရာ မျောက်တို့သည် ရွာ၌ လူမရှိသောအခါ တည်သီးများကို
သွားရောက်စားလေ့ ရှိ၏။
တခါသော် တည်သီး သီးချိန်တွင်
လူတို့ရောက်ရှိလာကြ၏။ မျောက်တို့သည် တည်သီးစားလိုကြသဖြင့်
သွားရောက်စားမည်ပြုကြ၏။ မျောက်မင်းက ဘေးရန်များ၍ တားမြစ်သည်။ မျောက်တို့က
လူတို့အိပ်ပျော်ချိန် သန်းခေါင်ယံတွင် သွားလျှင် ဘေးမရှိနိုင်ပါဟု ဆိုကြ၏။
နောက်ဆုံး တားမရသဖြင့် မျောက်မင်းကိုယ်တိုင် အဖော်မျောက်များနှင့်အတူ
လိုက်သွားရလေသည်။
မျောက်တို့သည် ရွာသားတို့ အိပ်ပျော်နေသော
သန်းခေါင်ယံအချိန်တွင် တည်ပင်ကြီးပေါ်သို့တက်၍ တည်သီးများကို စားကြသည်။
ထိုစဉ် ရွာသားတယောက်သည် အိပ်ပျော်ရာမှ နိုးသွားသည်။ တည်ပင်ကြီးပေါ်တွင်
မျောက်များရောက်ရှိနေသည်ကို သိရှိသဖြင့် အဖော်ရွာသားတို့ကို နှိုး၍ ပြောသည်။
ရွာသားတို့လည်း လက်နက်များကိုင်လျက် တည်ပင်ကြီးကို ၀ိုင်းထားလိုက်ကြသည်။
နံနက်မိုးသောက်ပါက မျောက်အားလုံးကို ဖမ်းဆီးရန် စီစဉ်၍ အသင့်စောင့်နေကြသည်။
မျောက်တို့သည် သေဘေးကို မြင်တွေ့ရ၍ လွန်စွာ ထိတ်လန့်တုန်လှုပ်ကြ၏။
မျောက်မင်းကို ကယ်မပါရန် တောင်းပန်ကြ၏။ မျောက်မင်းက-လွတ်မြောက်ရန်
ကြံစည်မည်-ဟု ဆို၍ နှစ်သိမ့်ထား၏။ သူသည် မျောက်အားလုံးကို စိစစ်ကြည့်ရာ
သေနကအမည်ရှိသော မျောက်-ပါမလာသည်ကို သိရ၏။ သေနကသည် မျောက်မင်း၏ တူ ဖြစ်သည်။
မျောက်မင်းက-မကြောင့်ကြလင့်၊ သေနကသည် အသိအလိမ္မာရှိသည်။ ငါတို့ကို ဘေးရန်မှ
လွတ်အောင် ကြံဆောင်ပါလိမ့်မည်။ တည်သီးများကို အ၀သာ စားထားကြပါ-ဟု
အားပေးပြောဆိုသည်။ သေနကသည် အဖော်မျောက်တို့ ထွက်သွားချိန်တွင် အိပ်ပျော်၍
ကျန်ရစ်နေ၏။ နိုးသောအခါ မျောက်တကောင်ကိုမျှ မမြင်သဖြင့် ခြေရာခံ၍ လိုက်လာ၏။
ထိုအခါ မိမိ၏ အဆွေအမျိုးတို့ ဘေးဒုက္ခနှင့် ရင်ဆိုင်တွေ့နေရသည်ကို
မြင်ရသည်။ သူသည် အဆွေအမျိုးတို့ကို ကယ်တင်ရန် အကြံထုတ်၏။
နောက်ဆုံးတွင် အကြံရသဖြင့် ရွာစွန်ရှိ တဲတတဲသို့ တိတ်တဆိတ် သွား၏။ တဲရှင်
အမယ်အိုသည် မီးဖို၍ ဗိုင်းငင်နေသည်။ သေနကလည်း မီးဖိုမှ မီးစတစကို
ရုတ်တရက်ယူကာ အနီးရှိ တဲတတဲကို မီးရှို့၍ ထွက်ပြေး၏။ ရွာသားတို့လည်း
တဲမီးလောင်သည်ကို မြင်ရသည်နှင့်တပြိုင်နက် မျောက်တို့ကို စွန့်လွှတ်ကာ
မီးငြိမ်းသတ်ရန် ပြေးသွားကြသည်။ ထိုအခါ မျောက်မင်းနှင့် အဖော်တို့သည်
တည်သီးတလုံးစီ ဆွတ်ယူပြီးလျှင် တည်ပင်ပေါ်မှ ဆင်းပြေးကြလေသည်။ အားလုံးပင်
အသက်ချမ်းသာရာရ၍ မိမိတို့နေရာသို့ ပြန်ရောက်ကြ၏။ သူတို့သည် သေနကကို
ကျေးဇူးပြုသောအားဖြင့် ယူဆောင်လာသော တည်သီးတလုံးစီ လက်ဆောင်ပေးကြလေသည်။
(မှတ်ချက်) အဆွေအမျိုးဆိုရာတွင် မိမိ၏ ဆွေမျိုးဉာတကာတို့သာမက မိမိ၏ အမျိုးသားများလည်း ပါးဝင်သည်။
ကျမ်းကိုး။ ။ ၅၅၀-တိန္ဒုကဇာတ်။
(မင်းယုဝေ)
(မြတ်မင်္ဂလာ ၂၀၀၂-ခု နိုဝင်ဘာလ)
.....................................Posted by: mingala
( ၁၇ ) အပြစ်မရှိသော ကောင်းမှုကို ပြုခြင်း
>>>>>>>>>>>>>>>>>>>>>>>>>>>>
အပြစ်မရှိသော ကောင်းမှုကို ပြုခြင်းသည် မင်္ဂလာတပါးဖြစ်သည်။
တနည်းအားဖြင့်-ကြီးပွားချမ်းသာခြင်း၏ အကြေင်းတရပ် ဖြစ်သည်။
(အပြစ်မရှိသော ကောင်းမှုများကား ဥပုသ်စောင့်ခြင်း၊ ဝေယျာဝစ္စပြုခြင်း၊
အများအရိပ်နားခိုနိုင်ရန် သစ်ပင်စိုက်ခြင်း၊ အများသုံးရန် ဥယျာဉ်တည်ခြင်း၊
တံတားဆောက်ခြင်း၊ လမ်းပြင်ခြင်း၊ ရေတွင်းရေကန်တူးခြင်း စသည့်
ကောင်းမှုအလုပ်များး ဖြစ်ကြောင်း သပြေကန်ပရိတ်ကြီး နိဿယသစ်၌ ဖော်ပြထားသည်။)
တခါသော် မဂဓတိုင်း ရာဇဂြိုဟ်ပြည် မစလရွာ၌ မာဃအမည်ရှိသော
လုလင်တယောက်ရှိသည်။ သူသည် ငါးပါးသီလမြဲသည်။ အလှူဒါနတို့၌ မွေ့လျော်သည်။
သူ့တွင် စိတ်တူကိုယ်မျှ ရှိကြသော အဖော်လုလင် သုံးကျိပ်သုံးယောက်တို့
ရှိသည်။
သူတို့သည် မာဃလုလင်နှင့် စုပေါင်း၍ ကောင်းမှုကုသိုလ်များကို
လုပ်ဆောင်ကြသည်။ စုပေါင်း၍ လူသွားလမ်းတို့ကို ဖောက်လုပ်ကြသည်။
လှည်းလမ်းတို့ကို ပြုပြင်ကြသည်။ တံတားခင်းကြသည်။ ရေတွင်း ရေကန်များ
တူးကြသည်။ ဇရပ်ဆောက်ကြသည်။ အလှူပေးကြသည်။ သီလဆောက်တည်ကြသည်။
သူတို့ကျေးဇူးကြောင့် ရွာသားတို့ ကောင်းကျိုးချမ်းသာ ရကြသည်။
သီလစောင့်လာကြသည်။
ရှေးအခါက မစလရွာသည် ငြိမ်းချမ်းသာယာခြင်း မရှိ။
ရွာသားတို့သည် သောက်စားမူးယစ်ကာ မကောင်းမှုများကို ပြုကြသဖြင့် ရာဇ၀တ်မှု
ထူပြောလှသည်။ ထိုအခါ မစလရွာစားမှာ အမှုစီရင်ရသဖြင့် လာဘ်သပ်ပကာများစွာ
ရရှိသည်။ ယခုအခါတွင်မူ မာဃလုလင်နှင့် အဖော်များ၏ ဆောင်ရွက်မှုတို့ကြောင့်
ရွာမှာငြိမ်းချမ်းသာယာနေသည်။ ရာဇ၀တ်မှု ကင်းဝေးနေသည်။ ရွာစားမှာ အမှုမစီရင်ရ။
လာဘ်သပ်ပကာ ဆုတ်ယုတ်လေတော့သည်။
ဤတွင် ယုတ်မာသောရွာစားသည်
မာဃလုလင်တို့ ပျက်စီးရန် ကြံရွယ်သည်။ သူသည် မင်းထံ ချဉ်းကပ်ပြီးလျှင်
မာဃလုလင်နှင့် အဖော်သုံးကျိပ်သုံးယောက်တို့သည် ရွာကို
ဖျက်ဆီးလျက်ရှိကြပါသည်ဟူ၍ လျှောက်တင်သည်။
မင်းလည်း မိုက်မဲသဖြင့် မာဃလုလင်တို့ကို စစ်ဆေးခြင်းမရှိ။ သင်းတို့ကို ဆင်ဖြင့်နင်း၍ သတ်စေ-ဟူ၍ အမိန့်ချမှတ်လိုက်သည်။
မင်းချင်းတို့သည် မာဃလုလင်နှင့် အဖော်တို့ကို ဖမ်း၍ ဆင်ဖြင့်
နင်းသတ်မည်ပြုကြသည်။ ဆင်ဖြင့် နင်းအံ့ဆဲဆဲ၌ မာဃလုလင်က အဖော်တို့အား
-အဆွေတို့ မကြောက်ကြလင့်၊ ဒေါသလည်း မထွက်ကြနဲ့။ မင်း-ရွာစား-ဆင်နှင့် တကွ
မင်းချင်းတို့အား မေတ္တာထားကြ။ မေတ္တာပို့ကြ၊ ငါတို့ပြုခဲ့သော
ကောင်းမှုကုသိုလ်နှင့် သီလကို ဆင်ခြင်ကြ၊ သစ္စာဆိုကြ-ဟူ၍ မှာကြား၏။
အဖော်တို့ကလည်း လိုက်နာကျင့်ဆောင်ကြ၏။
ဤတွင် ဆင်ကို အကြိမ်ကြိမ်
နင်းစေသော်လည်း ဆင်သည် မနင်းဝံ့။ အနီးသို့ရောက်သောအခါ အော်၍သာ ပြေးလေသည်။
မင်းကြီးလည်း အဖြစ်မှန်ကို သိရှိသွားသည်။ မာဃလုလင်တို့ကို ရန်မပြုတော့။
ကုန်းချောသူ ရွာစားကိုသာ ရာထူးကချ၍ ပြစ်ဒဏ်ပေးသည်။ မာဃလုလင်တို့အား
ဆင်ကိုလည်း ပေးသည်။ မာဃအား ရွာစားခန့်ထားလိုက်သည်။ ရပ်ရွာအကျိုး
ရွာသားအကျိုးကို ဆက်လက်ဆောင်ရွက်စေသည်။
ဤကောင်းမှုများကြောင့်
သက်တမ်းစေ့၍ ကွယ်လွန်သောအခါ မာဃလုလင်သည် တာဝတိံသာနတ်ပြည်၌ သိကြားမင်း
ဖြစ်လာသည်။ အပေါင်းအဖော်တို့သည်လည်း နတ်သားများ ဖြစ်လာကြလေသည်။
ကျမ်းကိုး။ ။ ၅၅၀-ကုလာဝကဇာတ်။ ဓမ္မပဒ အပ္ပမာဒ၀ဂ်။ မဃ၀တ္ထု။
(မင်းယုဝေ)
(မြတ်မင်္ဂလာ ၂၀၀၂-ခု ဒီဇင်္ဘာလ)
<<<<<<<<<<<<<<<<<<<<<<<<<<Posted by: mingala
( ၁၈ ) မကောင်းမှုကို ကိုယ်နှုတ်ဖြင့် ရှောင်ကြဉ်ခြင်း
%%%%%%%%%%%%%%%%%%%%%%
မကောင်းမှုကို ကိုယ်နှုတ်ဖြင့် ရှောင်ကြဉ်ခြင်းသည် ကောင်းမြတ်သောမင်္ဂလာ ဖြစ်သည်။
တနည်းအားဖြင့်-ကြီးပွားခြင်း၏ အကြောင်းတရပ် ဖြစ်သည်။
တရံရောအခါ မိခင်တဦးသည် ခင်ပွန်းသေဆုံးသဖြင့် သား-လုလင်နှစ်ယောက်ကို
အားကိုးအားထားပြု၍ နေထိုင်သည်။ သားနှစ်ယောက်သည်လည်း မိခင်ကို ရိုသေစွာ
လုပ်ကျွေးပြုစုကြသည်။
တနေ့သောအခါ မိခင် ဖျားနာသည်။ ရောဂါပြင်းသဖြင့်
ဆေးဆရာကိုခေါ်ယူပြသည်။ ဆေးဆရာက လူနာ၏ ရောဂါကို စမ်းသပ်ပြီးနောက်
ညီအကိုနှစ်ဦးအား သင်တို့မိခင်၏ ရောဂါသည် ယုန်သားဓာတ်စာ ကျွေးရမည်- ဟူ၍
ဆိုသည်။ ဤတွင် အကိုသည် ညီငယ်အား-တောသို့သွား၍ ယုန်ထောင်ပါ။ ယုန်သားကို
ရအောင်ယူခဲ့ပါ-ဟူ၍ ဆို၏။
ညီငယ်လည်း ယုန်ထောင်ရန် တောသို့သွားသည်။
တောစပ်သို့ အရောက်တွင် ယုန်ငယ်တကောင်ကို တွေ့သည်။ အလွယ်တကူပင် ယုန်ငယ်ကို
ဖမ်းယူလိုက်သည်။ ယုန်ကလေးမှာ ကြောက်ရွံ့သဖြင့် တကိုယ်လုံး တုန်နေရှာ သည်။
ညီငယ်သည် မိမိလက်တွင်း ရောက်နေသော ယုန်ကလေး၏ ဖြစ်အင်ကို ကြည့်ကာ
စာနာစိတ်ဖြစ်ပေါ် သွားသည်။ သတ္တ၀ါဆိုသည်မှာ သေရမည်ကို ကြောက်ကြသူချည်းပင်။
ငါလည်း သေရမည်ကို ကြောက်သည်။ ငါ့မိခင်လည်း သေရမည်ကို ကြောက်သည်။
ယုန်ကလေးလည်း သေရမည်ကို ကြောက်သည်။ ငါ့မိခင် အသက်မသေအောင် ယုန်ကလေးအသက်ကို
သတ်ရမည်ဆိုသည်မှာ တရားပါသလော-ဟူ၍ တွေးတောဆင်ခြင်သည်။ နောက်ဆုံးတွင်
ယုန်ကလေးကို မသတ်သင့်-ဟူ၍ ဆုံးဖြတ်ကာ လွှတ်လိုက်သည်။ ယုန်ငယ်လည်း ၀မ်းသာအားရ
ထွက်ပြေးသွားသည်။
ညီငယ် အိမ်ပြန်ရောက်သော် အကိုကြီးအား
အကျိုးအကြောင်း ပြန်ပြောသည်။ အကိုကြီးက မကျေနပ်။ သင်သည် မိခင်အကျိုးကို
ပစ်ပယ်သူဖြစ်သည်-ဟုဆိုကာ ကြိမ်းမောင်းပြစ်တင်သည်။ ဤတွင် မိခင်က-သားငယ်မှာ
အပြစ်မရှိ၊ သားငယ်၏ ဆောင်ရွက်မှုသည် မှန်ကန်သည်။ သူ့အသက်သတ်ခြင်း တည်းဟူသော
မကောင်းမှုသည် မကောင်း-ဟုဆိုကာ သားငယ်၏ ပြုမူမှုကို အားရ၀မ်းသာ သာဓုခေါ်လေသည်။
ထိုစဉ် ညီငယ်က-ကျွန်ုပ်သည် သိတတ်သည့်အရွယ်ကစ၍ သိလျက်နဲ့ သူတပါး အသက်ကို
မသတ်ခဲ့ပါ။ ဤစကားသည် မှန်သောသစ္စာစကား ဖြစ်သည်။ ဤစကား မှန်ပါက
မိခင်၏ရောဂါသည် ပိန်းကြာဖက်တွင် ရေမတင်သလို ကင်းစင်ပပျောက်ပါစေသတည်း-ဟူ၍
သစ္စာပြု၏။
ထိုမှန်သောသစ္စာစကားကြောင့် မိခင်၏ရောဂါမှာ ချက်ချင်း ပျောက်ကင်းသွားလေသည်။
(ကျမ်းကိုး။ အဋ္ဌသာလိနီ အဋ္ဌကထာ၊ စက္ကနဥပါသကာဝတ္ထု၊ ပရိတ်ကြီးနိဿယသစ်။)
( မင်းယုဝေ )
( မြတ်မင်္ဂလာ ၂၀၀၃-ဇန်န၀ါရီလ )
############################
#Posted by: mingala
( ၁၉ ) မကောင်းမှုကို စိတ်ဖြင့် ရှောင်ကြဉ်ခြင်း
//////////////////////////////////////////////////////////
မကောင်းမှုကို စိတ်ဖြင့် ရှောင်ကြဉ်ခြင်းသည် မင်္ဂလာတပါး ဖြစ်သည်။
တနည်းအားဖြင့် ကြီးပွားချမ်းသာခြင်း၏ အကြောင်းတရပ် ဖြစ်သည်။
ရှေးသရောအခါ ဗာရာဏသီပြည်ဝယ် ဒိသာပါမောက္ခ ဆရာကြီးတဦး ရှိသည်။ သူသည်
ပညာလည်းရှိသည်။ အကျင့်သီလလည်း ကောင်းသည်။ သူ့ထံသို့ အမျိုးကောင်းသား
လုလင်များစွာတို့သည် လာရောက် အတတ်သင်ကြသည်။ ဆရာကြီးတွင် လှပယဉ်ကျေးသော
သမီးပျိုကလေးတဦး ရှိသည်။ တနေ့တွင် ဆရာကြီးက-တပည့် လုလင်တို့ကို
ကိုယ်ကျင့်တရား ကောင်း-မကောင်း ငါစူးစမ်းမည်။ သူတို့အထဲမှ ကိုယ်ကျင့်တရား
ကောင်းသူကို ငါ့သမီးနှင့် လက်ဆက်ပေးမည်-ဟူ၍ ကြံစည်သည်။
ထို့နောက်
သူသည် တပည့်လုလင်တို့ကို ခေါ်သည်။ အမောင်တို့-ငါ့ သမီးသည် အရွယ်ရောက်ပြီ။
ငါ့သမီး ဆင်မြန်းရန် သင်တို့အိမ်မှ အ၀တ်တန်ဆာတို့ကို မိဘဆွေမျိုးတို့
မသိအောင် တိတ်တဆိတ် ခိုးယူလာခဲ့ပါ။ အဖိုးအထိုက်ဆုံးသော အ၀တ်တန်ဆာကို
ခိုးယူလာနိုင်သူအား ငါ့သမီးနှင့် ထိမ်းမြားပေးမည်-ဟူ၍ ပြောဆိုသည်။
တပည့်တို့သည် ဆရာကြီး၏ သမီးကို စုံမက်ကြသည်။ ထို့ကြောင့် ဆရာကြီး
စေခိုင်းသည့်အတိုင်း အိမ်သို့ပြန်၍ အဖိုးတန် အ၀တ်တန်ဆာများကို
မိဘဆွေမျိုးတို့ မသိအောင် ခိုးယူလာကြသည်။ ဆရာကြီးကို ပေးအပ်ကြသည်။
ဆရာကြီးကလည်း ပစ္စည်းအားလုံးကို အမှတ်အသားပြု၍ စနစ်တကျ သိမ်းဆည်းထားသည်။
ဤသို့ တပည့်လုလင်တို့သည် အိမ်မှ အ၀တ်တန်ဆာတို့ကို ခိုးယူလာသော်လည်း
ထူးခြားသော တပည့်လုလင် တဦးမူ လုံးဝ ခိုးယူခြင်း မပြုပေ။ တစုံတခုသော
အ၀တ်တန်ဆာကိုမှ ဆရာကြီးထံ ပေးအပ်ခြင်း မပြုပေ။
ထိုအခါ ဆရာကြီးက
ထိုလုလင်အား အကြောင်းရင်းကို စုံစမ်းမေးမြန်းသည်။ လုလင်က-ဆရာ အကျွန်ုပ်သည်
ဆရာကြီးသမီးပျိုကို စုံမက်ပါသည်။ သို့ရာတွင် အိမ်မှအ၀တ်တန်ဆာကိုမူ
ခိုးယူခြင်းမပြုလိုပါ။ လောက၌ မကောင်းမှုပြုသူအဖို့ ဆိတ်ကွယ်ရာ အရပ်မည်သည်
မရှိပါ။ ခိုးယူမှုစသော မကောင်းမှုကို အကျွန်ုပ်သည် စိတ်ဖြင့်ပင်
မပြစ်မှားလိုပါ-ဟူ၍ ပြောဆိုသည်။
ဆရာကြီးသည် ထိုလုလင်ကို
အလွန်နှစ်သက် မြတ်နိုးသွားသည်။ အမောင်-ငါ့သမီး၌ အ၀တ်တန်ဆာမရှိ၍
ခိုးခိုင်းသည် မဟုတ်ပါ။ ကိုယ်ကျင့်တရား ကောင်းသူကို စမ်းသပ်ရွေးချယ်ခြင်းသာ
ဖြစ်သည်။ အမောင်သည် ငါ့သမီးနှင့် ထိုက်တန်သူ ဖြစ်သည်-ဟု ပြောဆိုသည်။
ထိုလုလင်ပျိုကို ချီးကျူးကာ သမီးနှင့် ထိမ်းမြားပေး လေသည်။
ကျန်တပည့်တို့အား မကောင်းမှု မပြုရန် ဆိုဆုံးသည်။ ခိုးယူလာခဲ့သော ပစ္စည်းများကိုလည်း အသီးသီး ပြန်လည်ပေးစေလေသည်။
( ကျမ်းကိုး-၅၅၀-သီလ၀ီမံသနဇာတ်)
( မင်းယုဝေ)
( မြတ်မင်္ဂလာ ၂၀၀၃-ခု ဖေဖော်ဝါရီလ)
=========================Posted by: mingala
မြတ်ဗုဒ္ဓ ၏ သာသနာ
( ၂၀ ) သေရည်သောက်စားခြင်းမှ ရှောင်ကြဉ်ခြင်း
::::::::::::::::::::::::::::::::::::::::::::::::::::::::::::::
သေရည်သောက်စားခြင်းမှ ရှောင်ကြဉ်ခြင်းသည် မင်္ဂလာတပါး ဖြစ
်ပါသည်။
တနည်းအားဖြင့်-ကြီးပွားချမ်းသာခြင်း၏ အကြောင်းတရပ် ဖြစ်သည်။
ရှေးသရောအခါ ဗာရာဏသီပြည်တွင် အလွန်ကြွယ်ဝချမ်းသာသော သူဌေးတဦးရှိသည်။
သူဌေးကြီးသည် ကြွယ်ဝချမ်းသာသည်နှင့်အမျှ ကုသိုလ်ကောင်းမှုတို့ကိုလည်း
အထူးပြုသည်။ ထို့ကြောင့် ကွယ်လွန်သောအခါ တာဝတိံသာနတ်ပြည်၌ သိကြားမင်း
သွားဖြစ်သည်။
သူဌေးကြီးတွင် သားတယောက်တည်းသာ ရှိသည်။ အမွေပစ္စည်းတို့ကို
ထိုသားတဦးတည်းသာ ရရှိသည်။ သူဌေးသားကား မလိမ္မာ၊ မိုက်မဲသူ ဖြစ်သည်။
ထို့ကြောင့် ဥစ္စာတို့ကို အကျိုးရှိအောင် မသုံး၊ အမျိုးမျိုး ဖြုန်းတီးပစ်၏။
သူသည် အပေါင်းအဖော် အခြံအရံတို့နှင့်အတူ အရက်သောက်သည်။ ပွဲလမ်းသဘင်
အမျိုးမျိုးကို ကြည့်ရှုသည်။ အစားအစာမျိုးစုံကို စားသည်။ မိန်းမတို့ကိုခေါ်၍
ပျော်ပါးသည်။ ဤသို့သုံးဖြုန်းလာရာ အဖေထားခဲ့သော ဥစ္စာတို့သည် တစတစ
ကုန်ခန်းသွားလေသည်။ နောက်ဆုံးတွင် သူဌေးသားမှာ ဆင်းရဲနွမ်းပါးကာ
အထီးကျန်ဘ၀သို့ ရောက်သွားသည်။ ဟောင်းနွမ်းသော အ၀တ်တို့ကို ၀တ်ဆင်လျက်
ဆင်းရဲစွာ နေထိုင်စားသောက်ရသည်။
ဖခင်ဖြစ်သူ သိကြားမင်းသည်
ဆင်ခြင်ကြည့်သော် သား၏ဖြစ်ပျက်ပုံအလုံးစုံကို သိမြင်သွားလေသည်။ ဤတွင်
သားကိုချစ်ခင်သဖြင့် လူ့ပြည်သို့ဆင်းလာသည်။ သားအား တောင့်တတိုင်း
အလိုရှိရာပေးသော ဣစ္ဆာသယ အိုးကို ပေးအပ်သည်။
အမောင်-ဤအိုးသည် လိုရာကို
ရစေသော ဣစ္ဆာသယအိုး ဖြစ်သည်။ သင်အလိုရှိရာ တောင့်တ၍ အသုံးပြုပါ။
ဤအိုးကိုလည်း မကွဲအောင် သတိဖြင့် ထိန်းသိမ်းထားပါ။ နောက်ထပ် ငါ
မပေးနိုင်တော့ပါ-ဟူ၍ ပြောဆိုမှာကြား၏။ ထို့နောက် နတ်ပြည်သို့
ပြန်ကြွသွားလေသည်။
သူဌေးသားသည် ၀မ်းမြောက်မဆုံး ဖြစ်၏။ အလိုရှိရာကို
တောင့်တရာ အိုးထဲတွင် ပေါ်လာ၏။ ယင်းတို့ကို သုံးစွဲ၏။ မကြာမီ သေအရက်ကို
တောင့်တ၍ သောက်စားမူးယစ်ပြန်သည်။ တနေ့သ၌ သူဌေးသားသည် အရက်ကို တောင်းတ၍
သောက်စားပြီး အလွန်မူးယစ်သောအခါ ဖခင် သိကြားမင်း မှာသောစကားကို အလေးမပြု၊
အရက်မူးမူးဖြင့် ဣစ္ဆာသယအိုးကို မြှောက်ချည် ဖမ်းချည် ပြု၍ ကစားသည်။
တကြိမ်တွင် အိုးကို မြှောက်ကာ လက်ဖြင့်ဖမ်းရာ မမိ၊ ချော်ထွက်သွား၍ အိုးသည်
မြေသို့ကျကာ ကွဲလေ၏။
ထိုအချိန်မှစ၍ သူဌေးသားသည် တဖန်
ဆင်းရဲမွဲတေသွားပြန်သည်။ ဖခင်သိကြားမင်းသည် အရက်သမားကို ထပ်မံ
မ,မစနိုင်တော့ပေ။ သူဌေးသားသည် အ၀တ်နွမ်းကို ၀တ်လျက် ခွက်လက်စွဲကာ
တောင်းရမ်းစားသောက် ရသည်။ နောက်ဆုံးတွင် သူတပါး၏ အိမ်နံရံကို မှီလျက်
သေဆုံးသွားလေသတည်း။
( ကျမ်းကိုး) ၅၅၀-သုရာဃဋဇာတ်။
( မင်းယုဝေ)
( မြတ်မင်္ဂလာ ၂၀၀၃-ခု မတ်လ)
"""""""""""""""""""""""""""""""""Posted by: mingala
( ၂၁ ) ကုသိုလ်တရား၌ မမေ့မလျော့ခြင်း
-------------------------------------------------
ကုသိုလ်တရား၌ မမေ့မလျော့ခြင်းသည် မင်္ဂလာတပါး ဖြဟ်၏။
တနည်းအားဖြင့်-ကြီးပွားချမ်းသာခြင်း၏ အကြောင်းတရပ် ဖြစ်သည်။
တရံရောအခါ ကလိင်္ဂတိုင်း ဒန္တပုရမြို့၌ ကရဏ္ဍမင်း အုပ်စိုး၏။ တနေ့သ၌ ထိုမင်းသည်
အခြံအရံတို့နှင့်အတူ ဥယျာဉ်တော်သို့ သွားသည်။ ရောက်သောအခါ
ဥယျာဉ်တံခါးဝတွင် သရက်သီးမှည့်များ အပြွတ်လိုက် သီးနေသော သရက်ပင်ကို
မြင်သည်။ မင်းသည် ဆင်ပေါ်မှပင်နေလျက် သရက်သီးတခိုင်ကို လှမ်း၍ ဆွတ်ယူသည်။
ထို့နောက် ကျောက်ဖျာထက်တွင် ထိုင်၍သုံးဆောင်သည်။
မှူးမတ် ပုဏ္ဏား
စသော အခြံအရံတို့သည် သရက်သီးကို မင်းကြီးသုံးဆောင်ပြီးသဖြင့်
ကျန်သရက်သီးများကို ဆွတ်ခူးကြ၏။ လက်လှမ်းမမီသည်တို့ကို တုတ် ဓား
စသည်တို့ဖြင့် ပစ်ခတ်ကြ၏။ ထို့နောက် စားသုံးကြ၏။ တခဏအတွင်းမှာပင်
သရက်ပင်သည် အသီးများကင်းမဲ့၍ အကိုင်းအခက်တို့ ကျိုးပဲ့ပျက်စီးသွားလေသည်။
မင်းကြီးသည် တနေ့ပတ်လုံးဥယျာဉ်ကစားပြီးလျှင် ညနေချိန်သို့ ရောက်မှ
နန်းတော်သို့ ပြန်မည်ပြု၏။ ထိုအခါ ဥယျာဉ်တံခါးဝ၌ အကိုင်းအခက်တို့
ကျိုးပဲ့ကာ မတင့်မတယ် ဖြစ်နေသော သရက်ပင်ကို မြင်၏။ ဤတွင် သရက်ပင်ရင်း၌
ရပ်လျက်-ဤသရက်ပင်ကား နံနက်အခါက အကိုင်းအခက် အသီးအခိုင်နှင့် ပြည့်စုံလျက်
တင့်တယ်လှသည်။ ယခုကား အကိုင်းအခက်တို့လည်း ကျိုးပဲ့နေပြီ။
အသီးအခိုင်တို့လည်း ကျိုးပဲ့နေပြီ-ဟူ၍ မြည်တမ်းမိသည်။
သို့မြည်တမ်းရာမှ မနီးမဝေးရှိ အသီးမသီးသော သရက်ပင်ကို မြင်ပြန်လျှင်
-ထိုသရက်ပင်ကား အသီးမရှိ၍ မပျက်စီး၊ အကိုင်းအခက်နှင့် ပြည့်စုံလျက်
တင့်တည်စွာ တည်နေဘိသည်။
အလားတူပင် လူ့အဖြစ်သည် အသီးရှိသော သရက်ပင်နှင့်တူ၏။ ရဟန်းအဖြစ်သည် အသီးမရှိသော သရက်ပင်နှင့်တူ၏။
ဥစ္စာရှိသူမှာ ဘေးရှိ၏။ ဥစ္စာမရှိသူကား ဘေးမရှိ။
ငါသည် မေ့လျော့နေ၍ မဖြစ်တော့။ အသီးမရှိသော သရက်ပင်ကဲ့သို့ ကျင့်ရာ၏=ဟူ၍
ဆိုကာ အသီးသီးသော သရက်ပင်ကို အာရုံပြုသည်။ သို့အာရုံပြုရင်း ၀ိပဿနာတရားကို
ပွားများရာ ထူးမြတ်သောဉာဏ်ကိုရ၍ ပစ္စေကဗုဒ္ဓါ (ဘုရားငယ်) ဖြစ်သွားလေသည်။
သရက်ပင်ရင်း၌ မင်းကြီးရပ်၍ တရားရှုမှတ်နေသည်မှာ ကြာမြင့်လှသဖြင့် မှူးမတ်တို့က-အရှင်မင်းကြီး ရပ်နေသည်မှာ ကြာမြင့်ပြီ-ဟု သတိပေးကြ၏။
မင်းကြီးက-အမတ်တို့ ငါသည် မင်းမဟုတ်တော့။ ပစ္စေကဗုဒ္ဓါ ဖြစ်နေပြီ-ဟု ပြန်၍
မိန့်တော်မူသည်။ အမတ်တို့ကလည်း မင်းကြီး၏ ဖြစ်ပုံကို မသိသဖြင့်
ပြန်လည်လျှောက်ထားကြသည်။
အရှင်မင်းကြီး ပစ္စေကဗုဒ္ဓါတို့ကား အရှင်မင်းကဲ့သို့ မဟုတ်ပါ။
အဘယ်သို့နည်း။
အရှင်မင်းကြီး၊ ပစ္စေကဗုဒ္ဓါတို့သည် ဆံမုတ်ဆိတ်မရှိ၊ ဖန်ရည်စွန်းသော အ၀တ်ကိုလည်း ၀တ်ကြပါသည်။
ဤတွင် မင်းကြီးသည် ဦးခေါင်းကို လက်ဖြင့်သုံးသပ်လိုက်ရာ
မင်းအသွင်ပျောက်သွားသည်။ ဆံမုတ်ဆိတ်တို့ကင်း၍ ဦးပြည်းဖြင့် ဖြစ်သွားသည်။
မင်းဝတ်တန်ဆာတို့ကွယ်၍ သင်္ကန်း၊ သပိတ် စသည်တို့ ဆောင်သော ရဟန်းအသွင်
ထင်ရှားဖြစ်ပေါ်သည်။ မြေ၌မရပ်၊ ကောင်းကင်၌ ရပ်လျက် တည်နေတော်မူသည်။
မှူးမတ်အပေါင်းလည်း အံ့ချီးမဆုံး ဖြစ်ကြသည်။ ပျပ်ဝပ်စွာထိုင်လျက် ရိုသေစွာ
ရှိခိုးကြသည်။ ပစ္စေကဗုဒ္ဓါ ဖြစ်နေသော မင်းကြီးက-သင်တို့အားလုံး
ကုသိုလ်ကောင်းမှုပြုရန် မမေ့မလျော့ကြကုန်လင့်-ဟူ၍ ဆိုဆုံးမပြီးလျှင်
ကောင်းကင်ခရီးဖြင့် ဟိမ၀န္တာရှိ နန္ဒမူလိုဏ်သို့ ကြွသွားလေသတည်း။
( ကျမ်းကိုး-၅၅၀-ကုမ္ဘကာရဇာတ်)
( မင်းယုဝေ)
(မြတ်မင်္ဂလာ ၂၀၀၃-ခု ဧပြီလ)
```````````````````````````````````````Posted by: mingala
မြတ်ဗုဒ္ဓ ၏ သာသနာ
( ၂၂ ) ရိုသေထိုက်သူကို ရိုသေခြင်း
+++++++++++++++++++++++
ရိုသေလေးစားထိုက်သူကို ရိုသေလေးစားခြင်းသည် မင်္ဂလာတပါး ဖြစ်သည်။
တနည်းအားဖြင့်-ကြီးပွားချမ်းသာခြင်း၏ အကြော
င်းတရပ် ဖြစ်သည်။
တရံရောအခါ ဟိမ၀န္တာတောရှိ ညောင်ပင်ကြီးတပင်ကို အမှီပြုလျက်
ခါ-မျောက်နှင့်-ဆင်တို့ နေထိုင်ကြသည်။ သူတို့သည် အဆွေခင်ပွန်းများ
ဖြစ်ကြသည်။ သို့ရာတွင် တဦးကိုတဦး ရိုသေခြင်း မရှိကြပေ။ တနေ့သ၌
အဆွေခင်ပွန်း ၃-ဦးသည် ဆွေးနွေးတိုင်ပင်ကြ၏။ ယခု ငါတို့ ၃-ဦး
ဆက်ဆံနေထိုင်ပုံမှာ မသင့်။ တဦးကိုတဦး ရိုသေခြင်းမရှိ၊
အဆုံးအမပြုခြင်းမရှိ၊ အသက်ကြီးသူကို ရိုသေလျက် ထိုသူ၏အဆုံးအမကို
ခံယူနေထိုင်ကြလျှင် မသင့်ပါလော-ဟူ၍ အကြံအစည် ဖြစ်ကြသည်။ နောက်ဆုံးတွင်
ထိုအကြံအစည်အတိုင်း ပြုမူနေထိုင်ရန် အသက်ကြီးသူကို စိစစ်ကြသည်။
ငါတို့ ၃-ဦးမှာ ဤညောင်ပင်ကြီးကို အမှီပြု၍ နေကြရသည်။ ဤညောင်ပင်ကိုပင် အမှတ်အသားပြုကြမည်-ဟူ၍ သဘောတူ ဆုံးဖြတ်ကြသည်။
ခါနှင့်မျောက်တို့က ဆင်အား-အဆွေ ဆင်၊ ဤညောင်ပင်ကြီးကို ဘယ်အခါမှစ၍ သင်သိပါသနည်း-ဟုမေးကြ၏။
ဆင်က အဆွေတို့-ငါ ဆင်ငယ်ကလေးဘ၀၌ ရှိစဉ် ဤညောင်ပင်ကို ကျော်လွှား၍
သွားခဲ့သည်။ ညောင်ပင်ထိပ်ဖျားသည် ငါ့ချက်အထိသာ ရောက်သည်-ဟူ၍ ဖြေကြားသည်။
တဖန် ဆင်နှင့် ခါတို့က မျောက်အား-အဆွေ မျောက်၊ ဤညောင်ပင်ကို ဘယ်အခါမှစ၍ သိသနည်း-ဟုမေးကြပြန်၏။
မျောက်က-အဆွေတို့၊ ငါ မျောက်ငယ်ကလေးဘ၀၌ ရှိစဉ် မြေကြီး၌ထိုင်လျက်
ညောင်ပင်၏ အညွန့်အဖျား တို့ကို စားရသည်။ ဤမျှလောက် ငယ်ရွယ်စဉ် အချိန်မှစ၍
သိပါသည်-ဟု ဆို၏။
တဖန် ခါအား မေးကြပြန်သော် ခါက-အဆွေတို့၊ ယခင်အခါက
ဤအရပ်၌ ညောင်ပင်မရှိသေး၊ အခြား တပါးသောအရပ်မှ ညောင်ပင်၏အသီးကို ငါစား၍
ဤအရပ်၌ မစင်စွန့်ခဲ့သည်။ ထိုမစင်မှ ဤညောင်ပင် ပေါက်လာပါသည်-ဟူ၍ ပြောပြ၏။
ဤတွင် ဆင်နှင့်မျောက်တို့က အဆွေ ခါ၊ သင်သည် ငါတို့ ၂-ဦးထက် အသက်ကြီးသည်။
အတွေ့အကြုံများသည်။ ထို့ကြောင့် ငါတို့ထက်ပို၍ ဉာဏ်ပညာရှိပါသည်။ ငါတို့
ရိုသေထိုက်ပါသည်။ ယနေ့မှစ၍ သင့်အား ငါတို့ ရိုသေခြင်း၊ ဆည်းကပ်ခြင်း၊
ဝတ်ကြီးဝတ်ငယ်ပြုခြင်း အစရှိသည်တို့ ပြုပါမည်။ ငါတို့ကိုလည်း ဆုံးမပါ။
သြ၀ါဒပေးပါ။ ငါတို့ ကောင်းစွာခံယူပါမည်-ဟူ၍ ပြောဆိုတောင်းပန်ကြ၏။
ခါလည်း အဆွေခင်ပွန်းနှစ်ဦး၏စကားကို လက်ခံကာ လိုက်နာကျင့်သုံးသည်။
အဆွေခင်ပွန်းနှစ်ဦးအား အဆုံးအမသြ၀ါဒ ပေးရုံမက သီလကိုလည်း ဆောက်တည်စေသည်။
မိမိကိုယ်တိုင်လည်း စံပြနေထိုင်ကာ သီလကို ဆောက်တည်၏။
ဤသို့လျှင်
အဆွေခင်ပွန်း ၃-ဦးသည် ညီညွတ်စွာ နေထိုင်သွားကြသည်။ ဘေးရန်လည်း ကင်း၍
ပေါင်းသင်းဆက်ဆံရာတွင်လည်း အဆင်ပြေကြလေသည်။ သူတို့သုံးဦးသည် သက်တမ်းစေ့
နေထိုင်သွားကြကာ သေသောအခါ ကောင်းရာသုဂတိသို့ လားကြလေသည်။
ကျမ်းကိုး။ ။ ၅၅၀-တိတ္တိရဇာတ်
( မင်းယုဝေ)
( မြတ်မင်္ဂလာ ၂၀၀၃-ခု မေလ )
```````````````````````````````````````Posted by: mingala
မြတ်ဗုဒ္ဓ ၏ သာသနာ
( ၂၃ ) မိမိကိုယ်ကို နှိမ့်ချခြင်း
=================
မိမိကိုယ်ကို နှိမ့်ချခြင်းသည် မင်္ဂလာတပါး ဖြစ်သည်။
တနည်းအားဖြင့် ကြီးပွားချမ်းသာခြင်း၏ အကြောင်းတရပ် ဖြစ်သည်။ေ
အာက်ပါဇာတ်တော်ကို သာဓကအဖြစ် တင်ပြပါသည်။
တရံရောအခါ ဘောဂပြည်ဝယ် ဉာဏရာဇာမင်းကြီး မင်းပြုသည်။ ထိုမင်းသည် ဉာဏ်ပညာနှင့် ပြည့်စုံသည်။ ပညာရှိ မှူးမတ်များလည်း ပေါများသည်။
မင်းကြီးတွင် ဗလနှင့် သောမ အမည်ရှိသော သားတော်နှစ်ပါး ရှိသည်။ သားတော်ကြီး ဗလသည် စိတ်ထားမကောင်း၊ မာန်မာနကြီး၏။
သားတော်ငယ် သောမကား ထိုသို့မဟုတ်။ စိတ်ထားကောင်း၏။ မာန်မာန လုံးဝမရှိ။
နိဝါတတရားကို လက်ကိုင်ထားလျက် နှိမ့်ချစွာဖြင့် မှူးမတ်ပြည်သူတို့ကို
ဆက်ဆံ၏။
တနေ့သောအခါ ဗလသည် သားနားစွာ ၀တ်ဆင်၍ မြင်းစီးလျက်
မင်းပွဲသဘင်သို့ တက်ရောက်ရန် ထွက်လာသည်။ လမ်း၌ သူ့ရှေ့မှ သွားနေသော
ဆင်းရဲသား အဘိုးအိုတဦးကို မြင်တွေ့သည်။ အဘိုးအိုသည် ခရီးသည်တဦး ဖြစ်သည်။
လွယ်အိတ်ကိုလွယ်လျက် အဝေးမြို့ရွာသို့ သွားနေသည်။ ဗလ မြင်းစီးလာသည်ကို
မသိရှာ။ ထို့ကြောင့် လမ်းဖယ်မပေးမိ။ ထိုအခါ ဗလက ဆဲရေးပြီးလျှင်
မြင်းနှင့်တိုက်သွားသည်။ အဘိုးအိုခမျာ လမ်းဘေးသို့ လဲကျသွားရှာလေသည်။
သောမသည် နောင်တော်ဗလနောက်မှ မြင်းစီးလျက် လိုက်လာရာ ဖြစ်ပုံအလုံးစုံကို
မြင်လိုက်သည်။ သူသည် ချက်ချင်းပင် မြင်းပေါ်မှ ခုန်ဆင်းလိုက်သည်။
အဘိုးအိုကို ယုယစွာ ထူမပေးသည်။ မေးမြန်းကြည့်ရာ အဘိုးအို ခြေထောက်အနည်းငယ်
နာသွားသည်ကို သိရသည်။
သို့ဖြင့် သူ၏ မြင်းကိုစီးရန် ပြောဆိုသည်။
မြင်းကို အဘိုးအိုအား အပိုင်ပေးအပ်သည်။ ထိုအခါ အဘိုးအိုသည်
ကျေးဇူးတင်လှသဖြင့် လွယ်အိတ်ထဲမှ ပါလာသော ပေစာထုပ်ကို သောမအား ပေးအပ်သည်။
အရှင့်သား၊ ကျေးဇူးကြီးလှပါသည်။ ကျေးဇူးဆပ်သော အနေဖြင့် အဘိုးက
ဤပေစာထုပ်ကို လက်ဆောင်ပေးပါသည်။ ဤပေစာမှာ-သုတကျမ်းရတနာ-ဖြစ်သည်။ အရှင့်သား
အစဆုံးဖတ်၍ လေ့လာပါ။ ဉာဏ်ပညာ၊ ဗဟုသုတ အထူးတိုးပွားလာပါလိမ့်မည်-ဟူ၍ ဆို၏။
သောမသည် ၀မ်းမြေက်ဝမ်းသာပင် ပေစာထုပ်ကို လက်ခံယူသည်။ အဘိုးလည်း မြင်းစီး၍
ထွက်ခွာသွားသည်။ သောမသည် နှိမ့်ချစွာပင် ခြေကျင်လျှောက်၍ မင်းပွဲသဘင်သို့
ဆက်လက်ထွက်ခွာလာသည်။
ဤသို့ဖြစ်ပျက်ပြီး ၆-လခန့်ကြာသော် အိမ်နီးချင်း
တိုင်းပြည်တပြည်မှ သံအဖွဲ့တဖွဲ့သည် ဘောဂပြည်သို့ ရောက်လာသည်။ သူတို့သည်
မင်းကြီးကို ဖူးတွေ့လျက်-အရှင်မင်းမြတ်သည် ဉာဏ်ပညာကြီးမား၍
အရှင်မင်းမြတ်ထံတွင် ပညာရှိမှူးမတ် ပေါများသည်ဟူ၍ ကြားသိရပါသည်။
ထို့ကြောင့် ကျွန်တော်မျိုးတို့၏ ဘုရင်မင်းမြတ်နှင့် ပညာရှိမှူးမတ်များ
တိုင်ပင်ကာ အရှင်တို့ကို ဉာဏ်ရည်စမ်းသောအနေဖြင့် မေးခွန်းသုံးသွယ်မေးရန်
လာရောက်ခြင်းဖြစ်ပါသည်။ ဖြေကြားတော်မူပါ-ဟူ၍ လျှောက်ထားသည်။ ရွှေပေပေါ်တွင်
ရေးထိုးထားသော မေးခွန်းသုံးသွယ်ကို ဆက်သသည်။
ယင်းတို့မှာ-
(၁) အရိုးသာ အတောင်အမြီးဖြစ်သော ငှက်သည် အဘယ်ငှက်နည်း။
(၂) အသားသာ အတောင်အမြီးဖြစ်သော ငှက်သည် အဘယ်ငှက်နည်း။
(၃) အမွေးသာ အတောင်အမြီးဖြစ်သော ငှက်သည် အဘယ်ငှက်နည်း။
ဤမေးခွန်းသုံးသွယ်ကို မင်းကြီးနှင့်တကွ ပညာရှိအမတ်များသည် ဖြေဆိုနိုင်ရန်
အမျိုးမျိုးကြံဆကြသည်။ အဖြေမပေါ်။ သို့ဖြင့် ၃-ရက်မြောက်သောနေ့တွင်
ဖြေဆိုမည်ဟူ၍ ချိန်းလိုက်သည်။
မင်းကြီးနှင့် မှူးမတ်တို့လည်း အခက်တွေ့ကြပြီ။ မေးခွန်းသုံးသွယ်ကို ဖြေလည်းမဖြေနိုင်။
သည်တွင် သားတော်ကြီး ဗလ-က ခက်ခဲသောမေးခွန်းကို လာမေးရပါမည်လော-ဟုဆိုကာ
သံအဖွဲ့ဝင်များကို သွားရောက်ဖမ်းဆီး၍ သတ်မည်ပြုသည်။ မင်းကြီးက အမျိုးမျိုး
တားဆီးသည်။ နောက်ဆုံး တားမရသဖြင့် ဗလကို တိုင်းပြည်မှ နှင်ထုတ်လိုက်ရလေသည်။
ထိုစဉ် သားတော်ငယ် သောမသည် ခမည်းတော်ထံ ချဉ်းကပ်လျက် မေးခွန်းသုံးသွယ်ကို
မိမိဖြေဆိုနိုင်ကြောင်း၊ သူဆင်းရဲအဘိုးအို ပေးသော သုတကျမ်းရတနာကို
မိမိလေ့လာထားသဖြင့် ဤမေးခွန်းသုံးသွယ်ကို ကောင်းစွာ ဖြေဆိုနိုင်ကြောင်း
တင်လျှောက်သည်။
သို့ဖြင့် ချိန်းဆိုသောနေ့သို့ ရောက်လာသည်။
ညီလာခံခန်းမဆောင်တွင် အမေးပုစ္ဆာဖြေဆိုပွဲကို ကျင်းပသည်။ မှူးမတ်ဗိုလ်ပါ
စုံညီတက်ရောက်ကြသည်။ သံအဖွဲ့ဝင်အားလုံးလည်း တက်ရောက်သည်။
သားတော် သောမသည် ပရိသတ်ဗိုလ်ပုံအလယ်တွင် ရဲရင့်စွာ ထိုင်လျက် မေးခွန်းသုံးသွယ်ကို အောက်ပါအတိုင်း ရှင်းလင်းပြတ်သားစွာ ဖြေဆိုသည်။
(၁) အရိုးသာ အတောင်အမြီးဖြစ်သော ငှက်မှာ-ပိတုန်း ဖြစ်ပါသည်။
(၂) အသားသာ အတောင်အမြီးဖြစ်သော ငှက်မှာ-ရှူးပျံ ဖြစ်ပါသည်။
(၃) အမွေးသာ အတောင်အမြီးဖြစ်သော ငှက်မှာ-ဥဒေါင်း ဖြစ်ပါသည်။
ဤသို့ဖြေဆိုလိုက်သောအခါ သံအဖွဲ့ဝင်များက ဟုတ်ပါပေသည်-ဟု ဆိုကာ သောမကို
ချီးကျူးကြသည်။ ဆုလာဘ်များ ပေးအပ်ကြသည်။ မင်းကြီးနှင့် တကွ
မှူးမတ်ပြည်သူအားလုံးလည်း ၀မ်းမြောက်ဂုဏ်ယူမဆုံး ရှိကြသည်။ ထိုနေ့မှာပင်
မင်းကြီးသည် မှူးမတ်များနှင့် တိုင်ပင်ကာ သားတော်ငယ် သောမကို အိမ်ရှေ့အရာ
နှင်းအပ်ချီးမြှင့်လိုက်လေသည်။
ကျမ်းကိုး။ ။
(၁) မင်္ဂလာသာရ ဒီပနီကျမ်း။
(၂) မြန်မာဂုဏ်ရည် (ဦးဖိုးကျား)
မင်းယုဝေ
( မြတ်မင်္ဂလာ ၂၀၀၃-ခု ဇွန်လ)
++++++++++++++++++++++Posted by: mingala
( ၂၄ ) တင်းတိမ်ရောင့်ရဲခြင်း
""""""""""""""""""""""""""""""
တင်းတိမ်ရောင့်ရဲခြင်းသည် မင်္ဂလာတပါးဖြစ်၏။
တနည်းအားဖြင့်-ကြီးပွားချမ်းသာခြင်း၏ အကြောင်းတရပ် ဖြစ်သည်။
အောက်ပါပံဝတ္ထုကို သာဓကအဖြစ် တင်ပြအပ်ပါသည်။
တရံရောအခါ ဗာရာဏသီပြည်ဝယ် လှည်းကုန်သည်တို့၏ အကြီးအမှူးဖြစ်သူ လှည်းမှူးတဦး ရှိသည်။ သူသည် လောဘနည်း၍ တင်းတိမ်ရောင့်ရဲသူ ဖြစ်သည်။
တနေ့သ၌ လှည်းမှူးသည် လှည်းကုန်သည်များနှင့်အတူ အရပ်တပါးသို့ ကုန်သွယ်ရန် ဗာရာဏသီပြည်မှ ထွက်ခွာလာခဲ့သည်။
သူတို့သည် လမ်းခရီး၌ ကန္တာရတခုကို ဖြတ်သန်းသွားရပေသည်။ လမ်းခရီးတွင်
ရေတွင်းဟောင်းတခုကို တွေ့ကြသည်။ ရေအလိုရှိကြသဖြင့် ရေတွင်းဟောင်းကို
တူးကြသည်။ ထိုအခါ မမျှော်လင့်ဘဲ ကြေးမည်း ကြေးနီတို့ကို တွေ့ကြသည်။
ဆက်လက်တူးကြရာ ငွေ၊ ထို့နောက် ရွှေ၊ ထို့နောက် ပုလဲ၊ ထို့နောက်
ကျောက်မျက်ရွဲ၊ ထို့နောက် ပတ္တမြားတို့ကို တွေ့ကြသည်။
လှည်းကုန်သည်တို့သည် ဤရတနာတို့ကို ရရှိသော်လည်း မရောင့်ရဲနိုင်ကြ။
လောဘဇောတိုက်ကာ အခြားရတနာတို့ တွေ့ဦးမည်ထင်ပြီး ဆက်လက်တူးကြမည်ပြုသည်။
ထိုအခါ လှည်းမှူးက-အချင်းတို့ ဤမျှဖြင့် တော်လောက်ပါပြီ။ ရောင့်ရဲကြပါ။ ရှေ့ဆက်မတူးကြပါနဲ့-ဟူ၍ တားမြစ်သည်။
လှည်းကုန်သည်တို့ကား မတင်းတိမ်၊ မရောင့်ရဲနိုင်။ လှည်းမှူး၏ စကားကို မနာယူ၊ လောဘဇောတိုက်ကာ ဆက်လက်တူးကြသည်။
ထိုတွင်းဟောင်းကား သာမန်တွင်းမဟုတ်၊ နဂါးမင်း နေထိုင်ရာ တွင်းဖြစ်သည်။
လှည်းကုန်သည်တို့ အလွန်နက်စွာ တူးကြသဖြင့် တွင်းအောက်တွင်နေသော
နဂါးမင်းဗိမာန် ပျက်လေတော့သည်။ နဂါးမင်းလည်း အမျက်ထွက်သဖြင့်
နှာခေါင်းလေဖြင့် မှုတ်သည်။ အဆိပ်ငွေ့များ ထွက်လာသည်။ လှည်းမှူးမှတပါး
လှည်းကုန်သည်အားလုံး အဆိပ်သင့်၍ သေကျေပျက်စီးကြလေသည်။
ထိုအခါ
နဂါးလုလင်တို့သည် လူယောင်ဖန်ဆင်းလျက် တွင်းအောက်မှ ထွက်လာကြသည်။
တင်းတိမ်ရောင့်ရဲမှုရှိသော လှည်းမှူးကို ရန်မပြုရုံမက ရတနာတို့ကို
လှည်းပေါ်သို့ တင်ပေးသည်။ လှည်းမှူးကို လှည်းတစီးတွင် စီးစေကာ
ရတနာတို့နှင့်အတူ အိမ်သို့ လိုက်ပို့ပေးသည်။ ထို့နောက် နဂါးပြည်သို့
ပြန်သွားကြလေသည်။
လှည်းမှူးလည်း မိမိရရှိသော ရတနာတို့ကို
ထုခွဲရောင်းချကာ လူအများကို ပေးကမ်းလှူဒါန်းသည်။ သီလဆောက်တည်၍
တင်းတိမ်ရောင့်ရဲစွာပင် နေထိုင်သည်။ သေသည်၏ အဆုံး၌ နတ်ပြည်သို့ လားလေသတည်း။
အကိုး။ ။ ၅၅၀-ဧရူဒပါနဇာတ်။
(မင်းယုဝေ)
(မြတ်မင်္ဂလာ ၂၀၀၃-ခု ဇူလိုင်လ)
^^^^^^^^^^^^^^^^^^^^^^^^^^^^^^^^^^^^Posted by: mingala
မြတ်ဗုဒ္ဓ ၏ သာသနာ
( ၂၅ ) သူ့ကျေးဇူးကို သိခြင်း
-------------------------------------
သူ့ကျေးဇူးကို သိခြင်းသည် မင်္ဂလာတပါး ဖြစ်သည်။
တနည်းအားဖြင့်-ကြီးပွားချမ်းသာခြင်း၏ အကြောင်းတရပ်
ဖြစ်သည်။
လွန်လေပြီးသောအခါ ဗာရာဏသီပြည်တွင် စိတ်ထားကောင်းမြတ်သော ဘုရင်တပါး
အုပ်စိုးသည်။ တနေ့သ၌ နယ်စွန်နယ်ဖျားအရပ်တွင် သူပုန်များ ထကြွသောင်းကျန်းရာ
ဘုရင်ကိုယ်တိုင်ပင် သွားရောက် နှိမ်နင်းသည်။
သူပုန်များက
ချုံခိုတိုက်ခိုက်ရာ ဘုရင်သည် အရေးနိမ့်သွားသည်။ အဖော်များနှင့်ကွဲကာ
ရွာတရွာသို့ ရောက်သွားသည်။ မြင်းစီးလျက် တကိုယ်တည်း ရောက်လာသောဘုရင်ကို
တွေ့သောအခါ ရွာသားတို့သည် မင်းမှန်းမသိကြ။ ကြောက်လန့်ထွက်ပြေးကြသည်။
ရွာသားတယောက်ကမူ ထွက်မပြေး၊ လမ်းမှားလာသူ ခရီးသွားမင်းချင်းတယောက်ဟူ၍
ထင်မှတ်ကာ ခရီးဦးကြိုပြုသည်။
ဘုရင်က မိမိမင်းဖြစ်ကြောင်း
ဖွင့်မပြော။ မင်းချင်းယောက်ျားအဖြစ်ဖြင့် ၄-၅ ရက် တည်းခိုနေထိုင်သည်။
ရွာသားနှင့် ဇနီးတို့ကလည်း ကောင်းစွာပင် လက်ခံကျွေးမွေးပြုစုထားသည်။
ရက်သတ္တပတ်ခန့် ကြာ၍ ဘုရင်သည် ရွာမှ ထွက်ခွါသွားမည်ပြုသည်။ မသွားမီ
သူနေထိုင်ရာ မင်းနေပြည်သို့ လာရောက်လည်ပတ်ရန် မှာကြားသည်။
အဆွေ၊
ကျွန်ုပ်ကို မြင်းစီးကြီး-ဟူ၍ ခေါ်ပါသည်။ မြို့တော်သို့ သင်လာလျှင်
တောင်တံခါးစောင့်အား မြင်းစီးကြီးအိမ်ကို ပို့ပေးပါဟု ပြောပါ။ သူက
လိုက်ပို့ပေးပါလိမ့်မည်-ဟူ၍ မှာကြားသွားသည်။
ဘုရင်သည် ထိုရွာမှ
ထွက်ခွါပြီး မကြာမီ စစ်သည်ဗိုလ်ပါတို့ကို စုရုံးကာ သူပုန်များကို
ထပ်မံတိုက်ခိုက်သည်။ သူပုန်များ အရေးနိမ့်သွားသည်။ ဘုရင်သည် အောင်ပွဲခံကာ
နေပြည်တော်သို့ ပြန်လာခဲ့လေသည်။
နေပြည်တော်ရောက်သောအခါ ဘုရင်က
တောင်တံခါးစောင့်အား-ရွာသားတယောက် လာလိမ့်မယ်။ မြင်းစီးကြီးအိမ်ကို
ပို့ပေးပါဟု ဆိုလိမ့်မယ်။ ထိုသူ့ကို ငါ့ထံ ချက်ချင်းပို့ပေးပါ-ဟု
မှာကြားထားသည်။
ထို့နောက် ရွာသား၏ ဂုဏ်ကျေးဇူးကို အောက်မေ့လျက် ရွာသားအလာကို မျှော်နေသည်။ ရွာသားကား ပေါ်မလာပေ။
ဤတွင် ရွာသားရောက်လာစေရန် အကြံဖြင့် ဘုရင်က စီစဉ်သည်။ ရွာသားနေသောရွာကို
အခွန်များ တိုး၍ ကောက်ခံစေသည်။ ထိုအခါ အဆိုပါရွာမှ ရွာသားများသည် မင်းအား
ပြုစုခဲ့သော ရွာသားထံ ချဉ်းကပ်၍-အဆွေ၊ သင့်မိတ်ဆွေ မြင်းစီးကြီး
ရောက်လာပြီးမှ ငါတို့မှာ အခွန်များတိုး၍ ဆောင်နေရသည်။ မြင်းစီးကြီးထံ
သင်သွားပါ။ အကျိုးအကြောင်းပြောပြ၍ အခွန်မှ လွတ်ငြိမ်းခွင့်ရအောင်
ဆောင်ရွက်ပါ-ဟူ၍ ၀ိုင်းဝန်း ပြောဆိုကြသည်။
ရိုးသားလှသော ရွာသားလည်း
မနေသာတော့ နေပြည်တော်သို့ တက်သွားသည်။ မြင်းစီးကြီးမှာသည့်အတိုင်း
သွားရောက်ရာ ဘုရင့်ထံ ရောက်သွားသည်။ ထိုအခါ သူ့မိတ်ဆွေ
မြင်းစီးကြီးဆိုသူမှာ သာမန် မင်းချင်းတယောက် မဟုတ်၊ ဘုရင်မင်းမြတ်
ဖြစ်နေသည်ကို အံ့သြစွာ သိရှိရသည်။
ကျေးဇူးသိတတ်သော ဘုရင်သည်
ရွာသားကို ၀မ်းမြောက်ဝမ်းသာ ကြိုဆိုသည်။ အစားကောင်း အသောက်ကောင်းများ
ကျွေးမွေးသည်။ အ၀တ်သစ်များ ဆင်ယင်ပေးသည်။ ရွာသားနေသောရွာကိုလည်း
အခွန်အခများမှ ချက်ချင်း လွတ်ငြိမ်းခွင့် ပေးလိုက်သည်။ ထို့ပြင် ရွာသား၏
မယားကိုလည်း ခေါ်ယူစေသည်။ နန်းတော်အနီးတွင် အိမ်သစ်ဆောက်ပေးကာ မကြောင့်မကျ
နေထိုင်စေသည်။ ထိုမျှမက မင်းစည်းစိမ် တ၀က်ကိုပါ ခွဲဝေပေးသည်။
ထိုအခါ
အိမ်ရှေ့မင်းနှင့် မှူးမတ်တို့ မကျေမနပ်ဖြစ်ကြသည်။ ဤတွင် ဘုရင်က
ဖြစ်ပျက်ပုံ အလုံးစုံကို ပြောပြသည်။ ငါ စစ်ရှုံး၍ ဒုက္ခရောက်စဉ်
ငါ့ကျေးဇူးရှင် သည်ရွာသားက ကယ်၍သာ ငါ တဖန် စစ်အောင်ရသည်။ သူ့ကျေးဇူး
ကြီးလှပေသည်။ လောက၌ ကျေးဇူးပြုသူကို တုံ့ပြန်ပူဇော်ရမည်မှာ
သူတော်ကောင်းတို့၏ ကျင့်စဉ်ဖြစ်သည်-ဟူ၍ ဆုံးမပြောဆိုသည်။
ထိုအခါတွင်မှ အိမ်ရှေ့မင်းနှင့် မှူးမတ်တို့သည် အမြင်မှန်ရကာ ကျေနပ်သွားကြလေသည်။
(အကိုး)။ ။ ၅၅၀-မဟာအဿာရောဟဇာတ်။
မင်းယုဝေ
(မြတ်မင်္ဂလာ ၂၀၀၃-ခု သြဂုတ်လ)
'''''''''''''''''''''''''''''''''''''''''''''''''''''''''''''''''''''''''''''''''Posted by: mingala
